السلام عليكم ورحمة الله وبركاته
سأقدم لكم هذا الطبق اتمنى ان يعجبكم
برغل بالشعرية مع يخنة اللحمة والبطاطا
المقادير :
1- كوب من البرغل .
2- شعرية . 3 اكواب من الماء. سمنة
مقادير اليخنة
3- لحمة انا اضع لحمة الموزات
4-بصلة واحدة .
5-كزبرة .
6- فصين من الثوم.
7- ماء
8- ملح
9- فلفل اسود
10- سمنة
طريقة التحضير:
طريقة تحضيرها سهلة جدا
نبدأ بتحضير اليخنة
نضع اللحمة في المقلاة حتى تنشف ومن ثم نضع السمنة ونقليها جدا ثم نضيف البصل والثوم وتقلى جيدا نضيف بعد ذلك الكزبرة
تعطع البطاطاالى قطع صغيرة وتضاف فوق الكزبرة والبصل وتقلى مدة دقيقتين ثم نضع الفلفل الاسود حسب الذوق مع رشة من الملح ويحرك جيدا حتى يمتزج الخليط بالفلفل والملح ثم يضاف الماء اليه حتى يغمره وننتظر حتى تنضج البطاطا ثم نرفعه عن النار .
طريقة تحضير البرغل بالشعرية :
نضع السمنة في المقلاة مع الشعرية حتى تتحمر جيدا ثم بعد ذلك نضع البرغل ونحركه جيدا حتى يتشرب البرغل السمنة كلها ونضع فوقه الماء حتى يغمره وعندما يغلي نخفض النار ونتركه حتى تنشف ميته وتطفئ النار وتتركيه مدة 5 دقائق قبل ان تفتحي الطنجرة .
وصحتين على قلبكم

ما عم اعرف شو عم يصير معي

السلام عليكم ورحمة الله وبركاته
يسلموا ايديك يا منى على هالاكلة الزاكية وهاي اول مرة بعرف انه البرغل ممكن يتفلفل متل الرز رح اجربها اكيد
وتم التصويت عزيزتي
بس يا خسارة الصورة مش طالعة منيح
وعلى فكرة انا فلسطينية و ساكنة بكندا و بتعرفي الاكلات متشابهة كتير عنا و عندكم

وأنا كمان صوتت.

اهلين اخت ام رامي
جربيها لانو كتير طيبة هل الاكلة
وانا كمان لاحظت انو في كتير اكلات مشابهة بس مختلفة بالاسماء
اخت ام رامي الصور مو راضين يظهروا معي ما بعرف ليش



يا هلا بالغالية شهد شكرا على تصويتك انت بتعملي هل الاكلة اخت شهد

تسلم ايديك عزيزتي مرة ثانية
عزيزتي الصور يبدو انهم كبار الحجم

تم التصويت , تسلم إيدك أختي .

اهلين اخت استريجا صغرت الصور كتير وبعد كل هيدا ما بطلعوا


اهلين اخت منى تسلمين عزيزتي على تصويتك

اخت ام رامي نسيت قلك انا مو منى انا سنووايت

عفوا كتير انا جدا اسفة على هالغلطة الغير مقصودة

بس لاني بتنقل بين المواضيع, و حضرتك يا سنووايت و منى من سوريا ,الظاهر اني ضعت بين صاحبات المواضيع
و اسفة كتير مرة تاتية و انتي الخير و البركة طبعا ..