مندي الدجاج
السلام عليكم و رحمة الله و بركاته
هلا بالحلوااااات ان شاء الله كل اموركم طيبة
اليوم سويت مندي دجاج الصراحة روووووووعة خفيف و سهل
نويت اشارككم طريقتي ان شاء الله تعجبكم و اضمنلكم الطعم الرهييييب باذن الله
صورة اولية للمندي
المقادير :
دجاج منظف زين بالملح والخل
كاسة ارز ابوكاس منقوعة
بصلة متوسطة مقطعة مربعات + 1/4 كاسة زيت
تتبيلة الدجاج : شوية زيت - ملح - فلفل اسود - كركم - هيل مطحون - مسمار مطحون ( وممكن اي بهارات تحبوها مع الدجاج )
بهارات صحيحة للارز : ملح - ورق لاورا - هيل - مسمار - قرفة
الطريقة :
بصينية ماتلزق نسخن الزين و نشوح فيه البهارات الصحيحة و البصل لين يذبل شوي
نضيف عليه الارز بعد ما صفيناه و نضيف الماء الكافي لسوى الارز
نغطي الصينية بورق القصدير زين و نحدث شقوق بالورق مثل اللي بالصورة عشان تخلي البخار يطلع للدجاج
بسكين حامي نسوي شقوق بالدجاج و نخلط التتبيلة زين و ندهن بيها الدجاج و ندخلها بالشقوق عشان تاخد الطعم
نحط الدجاج على ورق القصدير فوق الصينية
نغطي الدجاج بورق قصدير و نضغط على الجوانب عشان البخار ما يطلع
ندخل الصينية للفرن لمدة ساعة على نار متوسطة
بعد مرور ساعة الارز بيكون استوى هو و الدجاج نشيل ورق القصدير من على الدجاج و نفتح عليه النار من فوق عشان يتحمر الدجاج
نكون مجهزين فحمة صغيرة على النار و بولة فيها زيت ( و هذا طبعا سر الطعم الحلووو )
نطلع الصينية من الفرن و ندخن الارز و الدجاج بالفحمة و نسكر زين عشان تاخد الطعم
هلا خلاص بيكون المندي جهز نقدمه بالهنا و الشفا
انا قدمته مع سلطة طماطم حارة و سلطة خضار
ان شاء الله تجربوووا طريقتي و راح تعتمدوووها
هنا صورة قريبة
ادعولي حبيباتي ان ربنا يسهل حملي و ولادتي ان شاء الله
الروابط المفضلة