سمك بصوص الزبدة و الليمون






حبيبات قلبى
صباحكم ومساءكم ورد وكادى



فى يوم من الايام << حدوتة
قررت ادمج وجبة الغدا مع العشا
لظروف شغلنا طبعا
عملت العشا سمك
وعملت سرفيس كامل فيه كل العناصر الغذائية
من بروتين لنشويات لفسفور
يعنى وجبة معتبرة

لعيون إيثار ننزل البحريات
ولعيون شيرى ننزل حاجة بسيطة على هامش ملف البطاطس
لكن ليها عندى ان شاء الله وصفات روعة



الوجبة كاملة
سمك بصوص الزبدة والليمون
مع وردات البطاطس بالبابريكا
مع حلقات الكاليمارى بالفرينش صوص
والارز البسمتى بالزبدة


نبدأ على البركة

أول حاجة هى البطاطس

نقطع البطاطس مكعبات




ونسلقها فى ماء ورشة بسيطة ملح
ونصفيها ونتركها لتبرد قليلا




وبعدها نهرسها مع رشة وفيرة من البابريكا .. ورشة فلفل اسود




وبعدها نضعها فى كيس الحلوانى .. (الخاص بتزيين الحلويات)




ونضعها فى الثلاجة لحين الاستخدام ..


بعدها الأرز

ننقع كوب من الأرز البسمتى الذهبى فى الماء لمدة نصف ساعة (أحب الذهبى عن الأبيض)

ونضع ملعقتين زبدة فى حلة على النار




وبس تسيح نقلب الأرز فى الزبدة لمدة خمس دقائق




فى هذه الاثناء نضع كوب ونصف ماء يغلى على النار

وبعد ما يغلى نضعه على الأرز




ونقلب ونظبط الملح




ونغطيه وعلى نار هادئة حتى يستوى

ويصبح بهذا الشكل




كدة انتهينا من الأرز


علشان نعمل حلقات الكاليمارى لازم نسلقه
فأنا هاسلق معاه جمبرى وسمك مكعبات .. علشان هاستخدم المرقة بتاعتهم

هنا البحريات




بحطهم فى حلة على النار مع الماء ..

لغاية ما يبدأ يطلع الريم اللى هو فيه زفارة السمك




اشيله بالمعلقة كل ما يطلع
وبعدين اضيف بصلة سليمة




واسيبهم حوالى ربع ساعة
لغاية ما يستوا




باخد حلقات الكاليمارى
مع جبن كيرى سائل .. وصوص فرنسى
ملعقة أكل جبن سائل + ملعقة أكل صوص فرنسى على الكاليمارى




واقلب ..
وبث

وبكدة يكون جاهز








تابعونى

للسمك

6 قطع سمك فيليه
2 ليمونة
زيت زيتون
ملح - فلفل اسود - روز مارى مجفف




نبطن صينية بورق الالومنيوم وندهنها بزيت الزيتون




نضع السمك عليها




ونرش ملح وفلفل اسود والروز مارى
ونقطع الليمون شرائح ونصفه على السمك




وندخله فرن ساخن لمدة 15 دقيقة



ولصوص الزبدة والليمون





كوب مرقة سمك (اللى عملناها بسلق البحريات)
2 ليمونة
بصلة مقطعة حلقات
نصف كوب كريمة
75 جرام زبدة (اربع ملاعق أكل)
ورق لورا (ورق غار)
ملح - فلفل اسود





عندى هنا عصير الليمونتين
والقشور
واللب داخل الليمون





لو تحبى طعم الليمون هادى تضيفى العصير بس
لو تحبيه قوى ضيفى العصير واللب
انا احبه قوى جدا جدا فاضفت العصير واللب والقشور
بس القشور اعطته طعم لاذع شوية
لا تستخدمى القشور بيكفى العصير واللب اذا حابة


نضع البصل وورق اللورا على المرقة




ونضيف العصير على المرقة




ونخليهم يغلوا على النار حتى تنقص المرقة لنصف المقدار




نضيف عليهم الكريمة ونقلب على نار هادئة لحتى يختلطوا




وبعدين نصفيهم بمصفى سلك رفيع




ونرفعهم على نار متوسطة
ونبدأ نضيف الزبدة قطعة قطعة ونقلب بمضرب سلك بسرعة علشان يتكون عندنا الصوص




هايكون فى النهاية بالشكل ده



والسمك جهز وطلع من الفرن كمان




وبكدة خلصنا كل حاجة
نجهز بقى سرفيس العشا


حطيت الرز فى ماج على شكل قلب






وقلبتهم فى الطبق



وحواليهم السمك





وعليهم صوص الزبدة والليمون










وأخيراً حواليهم وردات البطاطس اللى شكلتها بكيس الحلوانى

وحلقات الكاليمارى بالصوص الفرنسى






وأشيل ماجات الأرز بالراحة

وأقدمه بألف هنا وشفا

اتفضلوا .. مدوا ايديكم

ولطشششششششششششششششششششششششششش و اللكل نايم ياسلالالالالالالام

بسم الله ماشاء الله ابدعتي يا احلى بيرو

شي بشهي وبجنن و للمفضلة

مبدعة بكل شي ياقمر والك خلق وبال طويل ماشاء الله و الله اكبر

الله يحميكي وصحة و هنا ع قلوبكم

ما شاء الله تبارك الله

تسلم الايادى الحلوة حبيبتى

الله الله عالروااااائع

مبدئيآ : تسجيل إعجاب

لي عودة بإذن الله , لأقرأ الموضوع على مهلي و من ثم الرد
هلأ , عندي دوام


و لكن الحقيقة : شي راااائع و مذهللللللل

دمت بود

تحفففففففففففففففففففففة
رووووووووووووووووووووووووعة
ابدااااااااااااااااااااااااااااااااااااااااااااااا ااااااااااااع

بجد ابدعتى يا قمرى
تسلميلى يا رب
و احلى استفتاحية للملف من ايديكى

منتظرة بشوق الوصفات الرووووووووووعة يا قمرى

بسم الله ماشاء الله
طبق ررروعة بيشهي
تسلم الايادي

ما شاءالله تبارك الله
مبدعه وفنانه كعادتك غاليتي
طبق في منتهي الروعه والجمال
عليك بالعافيه وتسلم ايديك الحلوين يارب

تسلم الأيادي يا أجمل بيرو يا سكرة

ما شاء الله كل وصفة أروع من التانية ,, بالهنا يا قمر (: