حبيباتى
يا هلا بكل الموجودين
النهاردة ولعيون أثورة جبنا وجبة سمك معتبرة
سمك بالخضار والكريمة
أول حاجة عندى أربع قطع سمك فيليه أو على حسب عدد أفراد الأسرة
نتبلهم بعصير ليمون وبهارات سمك
للخضار بالكريمة
كوسة وجزر وبطاطس مقطعة شرائح أو مكعبات حسب رغبتك
مشروم طازج مقطع
بصلة مقطعة جوليان
عود كرفس مقطع صغير
كوب كريمة
نضع 3 ملاعق زيت زيتون فى حلة على النار
نشوح البصل والكرفس فى البداية
وبعدها نضع الجزر والكوسة والبطاطس مع رشة فلفل اسود
واخيرا المشروم
ونقلب 3 دقائق تقريباً وبعدها نضيف الكريمة
ونظبط الملح ونغطيها ونخليها على نار هادئة لمدة 10 دقائق علشان يستوى الخضار مع الكريمة
نجهز الديب
عملت ديب بسيط ..
3 ملعقة أكل مايونيز + ملعقة شاى صوص فرنسى ..
وبعد وضعهم فى اطباق صغيرة مثل هذه
وضعت قليل من المايونيز على الوجه .. ونقطة مسترد فوقها
كما سيظهر فى الصورة
وانتهى الديب
لقلى السمك
جهزت
3 ملاعق أكل دقيق أبيض
3 ملاعق أكل دقيق ذرة
نصف ملعقة شاى شطة مطحونة
نصف ملعقة شاى قرفة مطحونة
نقلب السمك فى خليط الدقيق
ويقلى فى الزيت
وإلى طبق التقديم مباشرة
الأرز وبجانبه الخضار بالكريمة وعليه السمك .. وبجوارهم الديب
وبألف هنا وشفا ..
الروابط المفضلة