~|| الـرز الإيـــراني .. بالصــور
الرز الايراني
:
السلام عليكم ورحمة الله وبركاته
صباحكم فرح وسعادة ()
بعد انقطاع طويييييييييييل عن المطبخ
<< الحمدلله تركت الكسل الله لا يرجعه لي
رجعت لكم بـ "الرز الإيراني"
اعجب اهلي مرره وكل اللي اعطيتهم الطريقة طبقوها واعجبتهم
الرز طعمه خياااال ويستاهل التجربة
وان شاءالله يعجبكم ()
| المقادير |
دجاج مقطع ارباع
بصل مقطع شرايح
جزر مبشور
صلصة طماطم
زعفران - صفار زعفران
سكر
ملح - بهارات
:
| الطريقة |
تسلقين رز بماء وملح وزيت لكن لا تخلينه مستوي مره
احمسي البصل ع النار واذا ذبل حطي الجزر وقلبيه شوي حطي عليه الصلصة والملح والبهارات
بعدها حطي الدجاج وقلبيه وخففي صفار الزعفران قليل جداً "يعني راس الملعقة" بفنجان ماء وصبيه عليه
غطيه وخليه ع النار نص ساعة
*مايحتاج ماء لان الدجاج راح ينزل شوي ماء وراح يستوي
احرقي السكر تقريبا فنجان قهوة
وجهزي الزعفران
بعد ما ينضج الدجاج صبي السكر المحروق عليه وحطي طبقة خفيفة من الرز وصبي عليه الزعفران
وحطي عليه باقي الرز
وخليه ع نار هادئة عشرة دقايق وعند التقديم حسب ما تحبين
تقلبينه او تخلطينه قبل الغرف
وهذا الرز صار جاهز
قدمته مع سلطة "الزهرة البيضاء" اخذت طريقتها من أسيرة الغربة
سلطات بالصور "ملف متنوع من السلطات بالصور "
وألف صحة وعافية ع قلوبكم ()
.
رد مع الاستدلال
الروابط المفضلة