أختي أم عدنان :
لا تعبتيني و لا شي أنا في الخدمة دائماً
عن جد أي سؤال بيخطر على بالك عن الطبخ الحلبي أنا جاهزة .


و عليك السلام و رحمة الله و بركاته أختي rahme03 :
لسه لو بتدوقيها مممممممممم رح تحبيها كتير كتير

أختي المبدعة :
يا ريت كون جنبك ( في أرض الحرمين الله يهنيكي ) لحتى أعزمك على الفطور و أكسب ثوابك .

و سألتلك إمي قالتلي أن البرغل العمقي له نكهته الخاصة و لكن بتقدري تعملي العجينة بنفس طريقتك العادية و تابعي الخطوات الباقية بشكل عادي ...

أختي بدي أسألك كيف بتعملي الكبة من دون ماكينة فرم اللحمة ؟؟؟؟

ميرسي كتير حبيبتي
والله بسمع انه اكلات الحلبيه كتير طيبين خلص
بدي اجرب واشوف

تحياتي لك

سمعت حدا عم يقول حلب >>.... أنا من حلب
هالأكلة فعلاً كتير كتير طيبة
يسلمو إيديكِ يا babymother
شو رأيكم أعزم بنات المنتدى كلللللللهم لعندي على كبة مبرومة

يسلمو ايديك بارك لله فيك وكل عام وانتم بخير جميعا

أنا ماعندي ماكينه بس ممكن أروح عند وحده من الأهل وأسويها عندها ومنها بتساعدني

على تصليحها <<<< وحده عجازه

تسلم ايديك عزيزتي كبة بتشهي

أختي ندى :
يلا جربي و خبيريني شو بيصير معك و ادعي بطريقك لأمي على هذه الوصفة


حمامة الجنة

إنتي من حلب ميت السلامة خيتو نورتي نورتي و الله
و أنا عم قول ليش قلبي بيغلي عليكي
كنت فاكرة أنه من اسمك الحلو أتاري أنا و إنتي جيران

مشان العزيمة ( قلبناها حلبي أحي )

أنا بساعدك إذا رح تعزمي البنات .......
بس عشرين ألف ما شاء الله ما إلتا إلا أن نستأجر السبيل حتى يوسعهم .

كم سؤال على الماشي
سمعت أنك عم تدرسي ( بقدر أعرف شو )...

أنا من تجميل الفرقان و إنت ( إذا ما في إحراج )..

أختي farahr :
و إنتي بألف خير و ينعاد عليكي و علينا و الأمة الإسلامية بألف خير

أختي المبدعة :
قلت لحالي رح تقوليلي طريقة جديدة و مبتكرة لعمل عجينة الكبة
أتاري طريقتك بعرفها من زمان

أنا بعمل نفس الشي مع أمي ( الله يخليلي ياها يا رب )

الله الله أختي estrellas هنا

شكرا على مرورك الحلو

أختي بنت حلب الشهباء
أنا من المحبين للكبة الحلبية ولقد أكلت منها في عدة مطاعم شامية ومشهورة ولكن عند مروري بحلب اتجهنا إلى أحد المطاعم وأخذنا منهم كبة غريبة الشكل طويلة وأطرافها مستديرة محشوة بالجوز واللحم وقطعهاووضع معها مايونيز ومخلل وفلفل حاروأرغفة خبز تعجبنا منها ولكن............ياللطعم الرا ئئئئئئئئئئئئئئئئئئئئئع اللذييييييييييذ .
أسعفينا أختي الحلبية بكيفية الطريقة لأن شكلها اسطواني . هل لها قالب معين .
سلامي لأهل حلب الطيبين المحبن للغرباء وكذلك للأطفال أهل العمائم الملتزمين .

اأهلين بحلب وأهل حلب وبالفعل الكبة الحلبية كتير طيبة
وتسلم غيديك أختي على المحاشي كمان روعة صديقتي حلبية وبتعزمنا على اكلات حلبية لذيذة بس دسم الاكل الحلي يعني الاكل الشامي اخف شوي من الحلبي بس بيجنن الاكل الحلبي
شكرا لكم اخواتي

أختي أم هوزان :

الكبة إلي وصفتيها هي نفسها الكبة المبرومة ...مع إستبدال الفستق بالجوز

و نحن لا نستخدم قالب و لكن مثل ما قلتلك نستخدم ورق نايلون و نملسها حتى نحصل على شكل إسطواني , و لكنك لفتي نظري إلى نقطة نسيتها عند الشرح و هي أننا نغلق الأطراف فنحصل على أطراف مستديرة .

و بعد أن تستوي الكبة في الفرن نقطعها و تقدم .

يلا جربيها و قوليلي إذا طلعت معك مثل ما دقتيها .



أختي ورقة ليمونة :

مثل ما قلتي أختي في ناس كتير بتستخدم الدهن في الطبخ الحلبي و لكن موكل الناس , يعني مثل ما بيختلف نفس كل واحدة على الطبخ كمان بيختلف إستخدام الدهون .
أنا مثلاً أكلي كله دايت لأني كتير بتدايق من الدهون .
يلا إنشاء الله صير رفيقتك كمان و دوقك الطبخ الحلبي الخفيف ...

سلام يا عسل