بسم الله الرحمن الرحيم




حابة اشاركو بوصفات بقدر اعملها بنص ساعة بس

الشغلة بسيطة بس بدها شوية تخطيط وترتيب بالشغل وممكن مرات تحضير مسبق

الجمعة الماضية معزوزي كان معزوم وانا قعدت انا والبنات لوحدينا وقلت بدي طبخة سريعة بأقل من نص ساعة تتخلص عشان عنجد ما اقعد بالمطبخ كتير واشعر انه اليوم راحة


ولقيت بالخزانة عندي بهار كاري قاعد حزين عشان هيك جبته على السريع وقلت اجى وقتك يا حلو

المكونات:

قطع دجاج" استخدمت صدر الدجاج لانه سارع بالاستواء
ملعقة معجون البندوره
ملعقة لبن رايب
بصلة
سنين تومة
بهار الكاري وملح وكزبرة ناشفة وكركم وكمون
ولوز مقلي للتزين


قليت البصلة بالزيت لحد ما دبلت بعدين ضفتلها الجاج والتومة المفرومة ثم البهارات وقليتهم مع بعض 10د لحد ما تأكدت انه الجاج استوى
بعدين ضفت معجون البندورة واللبن وشوية مية بس لتعطي شوية صوص مو اكتر
وكمان 5 دقايق لتتسبك
ورشيتلها رشة بقدونس للزينة

بنفس الوقت اللي الجاج عم يتسوي فيه جبت الرز البسمتي بس غسلة خفيفة وحركته بمعلقة زيت لتغلفت كل حبة رز بالزيت وضفتله كاستين مية بغلو غلي ومعلقة صغيرة ملح
وتركتهم يستو على الهدوء

وصدقوني على الدقيقة ال30 كنت انتهيت من الطبخة والحمد لله طلعت بتشهي


بالاساس ممكن تضيفولها شوية فلفل بحرق بس انا عشان بناتي صغار ما ضفته

ممممممم بشهي يا لموسة
يسلمو هالادين يارب ليوم بجربها

وانا كمان عجبني معدله ياالماسه
صحتين وعافيه يارب

كتيركتير كتير روعة

ما شالله كله ألماس

صاحبة الموضوع
و الموضوع
و الطبق
و الصور
و التقديم
و سرعة التحضير

مشكووووورة , و الله يعطيكي ألف عافية

كتير طيب هالطبق

ما شاء الله تبارك الرحمن

سلمت يمناك
وصحتين وعافية

اكيد معزوزك ندم لما شاف هالطبق انه ما كان معكم ع الغدا

تسلمولي جميعا


ههههههه والحقيقة لا ندم ولا يحزنون كان معزوم في عرسين وماكل وشبعان صحتين عقلبو

يسلموووووو

شكرا كتييير

تسلم الايادي
اطباق لذيذة
الله يعطيك العافية

ياسلاممممم دجاج شهي بحق ورز خيالى!!

ماشاء الله عليكِ وصفهـ رائعهـ,,تسلمين على

طرحها لنا ومشكورهـ عزيزتي.