بسم الله الرحمن الرحيم


أخواتي في الله , عضوات منتدانا الغاليات

أكيد لفت نظركن العنوان , فمشان هيك دخلتو عالموضوع , و لإنه زيارتكن جدآ غالية و عزيزة عليي , راح حطلكن صورة مبدئية للتشويق و الترحيب



شوفولي هالقارب , ما أحلاه !!!

و طعمه و لله الحمد و المنة جدآ جدآ جدآ لذيذ ( متلكن أكيد )

بحب نوه إنه

هالموضوع مشاركة مني لرحلة المحاشي , بما إني لطشت نص صينية المحاشي بالفرن تبع أم زياد , فلازم إلتزم بالقوانين , ونزل موضوع , فقلت لحالي يا بنت : ليش ما بتنزلي القوارب ,لأن الرحلة لازم يكون فيها شي محطة تنزه بالقوارب , أكيد بتصير أحلى .


هلأ , فورآ عالمقادير:


عدد من حبات البطاطا ( على حسب رغبتك ) , شكلها و حجمها مناسب

لحمة هبرة مفرومة ناعم و مقلية مع شوية زيت ( معصجة ) و حطيتلها ملح و كمون , و رشة من البهار الطيب يلي عنا

جبنة قشقوان مبشورة

3 بيضات

قطع صغيرة فليفلة خضراء

أوراق خس , و بقدونس مفروم لتزيين الطبق

الطريقة :


شوي بدها صبر و طولة بال , و لكن صدقوني النتيجة بتستاهل :


جيبي حبات البطاطا



اسلقيها عالنار لتستوي 90 % , و بعدين اتركيها لتبرد , و قشريها

, و بعدين بطرف ملعقة صغيرة , احفري خط , يمثل حافة القارب



و بهدوء و حذر شديدين , احفري تجويف داخل حبة البطاطا




( نهاية الحلقة الأولى )
الرجاء عدم الرد حتى انتهاء المسلسل

ملاحظة : يجب الأخذ بعين الاعتبار ملوحة الجبنة المستخدمة قبل وضع الملح داخل التجويف


الآن : نرش بهار و ملح ( إذا اقتضت الحاجة للملح ) داخل التجويف



نضع الجبنة المبشورة كما في الصورة



ثم نضع اللحمة المقلية فوق الجبنة , و نوزعها جيدآ داخل التجويف , و حتى أطرافه



و من ثم نفقس البيضة بهدوء لكي لا يفقس الصفار أيضآ , نفقسها إلى صحن صغير , ثم بالملعقة : نضع الصفار في منتصف القارب , و من ثم نوزع البياض حوله , و نرش فوقه الملح و البهار

و نضع قطع صغيرة من الفليفلة على الأطراف كما في الصورة .



نمسح الصينية بالزيت و نضع القوارب




( نهاية الحلقة الثانية )

و نضع الصينية بالفرن على حرارة منخفضة



و ننتظر إلى أن يبدأ البيض بالتخثر ( في هذه الأثناء , تذوب الجبنة و تشوى البطاطا ) .

بعدها , نرفع الحرارة قليلآ , و نشعل من الأعلى و الأسفل


و بعد أن يتخثر كل البيض , نخرج الصينية

حطيت القوارب بصحن مزين بأوراق الخس , و البقدونس المفروم



( هالطبق غير قابل للطش , لإنه محجوز كله ل MuM بمناسبة قومتها بالسلامة )

و الطعم كان جدآ لذيذ , و الحمد لله .

ملاحظة : لا تقدميه مباشرة , و هوي ساخن , استني ليبرد شوي , شي عشر دقايق , و قدميه , و إن شالله بالهنا , و الشفا

بتمنى تكون القوارب عجبتكن

و هاي كمان صورة للحبايب



لا تبخلوا عليي بالردود , خليكن أحسن مني , , أنا بعترف إني مقصرة بردودي , و لكن الله وحده عالم بظروفي .

و إلى لقاء قادم مع طبق جديد بإذن الله

و تقبلوا مني كل التحية , و أحلى باقة ورد جوري شامي


و إلي عندكن رجاء صغير

إذا عجبكن موضوعي أرجو منكم الدعاء للشعب السوري بالفرج .
و تقبلوا ودي و احترامي

ياعيني عالقوارب الشهية
تسلم ايدك ياايثار على الوصفة الشهية والف عافية على الغالية مام
نسأل الله أن يمن على اخواننا في سوريا بالفرج القريب والامن والامان لهم ولكل الشعوب المسلمة
شكرا على المشاركة الحلوة

ماشاء الله عليكي يا ايثار يسلموا ايديكي وعيني والله يرزئك بالزوج الصالح يارب ويستر عليكي ترا عندي الدينا فجر تقريبا
ويفرجها علي اهل سوريا ويحررها يارب ويهدي بالهم ويفرح قلبهم يارب
روووووووووعه مش لاقي كلام والله

ماشاء الله رااااااااااااااااااائع
مافي كلام ابدا الها
تسلم ايدك يارب
والله يفرجهاعلى سوريا يارب

يااااااااااااااااااااا سلام
احلى شي الواحد ما يضطر يجري ليلطش ويكون الطبق محجوز له
ههههههههههههههههه
فعلا بيشهي غلاتي يسلموا هالديات المعدلة
فكرته حلوة بالبيض بيعطيه شكل واكيد طعم روعة
انا بعملها بس من غير البيض بحط بيضة مع العصاج وبس مشان يتماسك يعني وبزين بحبات لوز
بس رح جرب هالطريقة اكيد طعمها روعة
ومشكووووووووووورة عالطبق غلاتي

مع دعواتي لكم بالفرج القريب غلاتي

يسلم ايديكي حبيبتي شكلو بشهي
بالمناسبه احنا هون بفلسطين منحب اهلنا بسوريا كثير.. الله ينصركم

رووووعة من هون لبكرة بتعجبني اطباقك باين عليكي معدلة ماشاءالله
الله يفرجها عليكم وينصركم


Sent from my iPhone using منتديات لكي app.


الحمد لله الذي سخر لنا هذا وما كنا له مقرنين
🚶

ما شاء الله تبارك الله


تسلم ايدك حبيبتى ايثار على الوصفة الشهية


بالهنا والعافية عليكم