مساء الورد حبيباتي هذي الباستا اسويها في البيت والله طعمها بالضبط بالضبط مثل طعم الي في مطعم باستا ولما تجربونها راح تتاكدون من صحة كلامي
نسلق المكرونة عادي ونصفيها ونتركها
على جنب نسوي بشاميل حسب كمية المكرونة نخلط معاه بعد مايستوي طبعا نضيفلة كريمة الطبخ
وبعدين نشوح في مقلاه مدهونة بزيت الزيتون الخضار الي تحبونها انا اقطع كوسا شرائح رفيعة وفليفلة ومشروم ولو كان عندي بروكلي ومرات اخلي حبات ذرة وشرائح زيتون بس مودائم لان بنتي ماتحبة
وبعدين اقلبة لثواني بس مع رشة فلفل اسود ومااضيف ملح حتى ماتنزل الخضرة ماي وتذبل الملح اخلي في البشاميل وعلى ماي المكرونة لما اسلقها وبعدين لما تنضج الخضروات اضيفها للمكرونة مع البشاميل مع علبة جبن كرفت ورشة جبن مبشور
ولو تحبين الصلصة مكس على قولتهمبصلة صغيرة مبشورة ناعم تشقرينها بدون تحمير بعدين تضيفين لها طماطمة مبشورة وتقلبينها شويات لحد ماتتسبك بعدين تضيفين ملعقة صغيرة صوص صويا وملعقة كبيرة معجون طماطم وتقلبينها خمس دقايق وتخلطينها مع باقي المكونات وقدميها وشوفي مين راح يحس بالفرق ^_^
لاتنسوني من صالح دعائكم
[IMG]رفع الصور[/IMG]
رد مع الاستدلال
الروابط المفضلة