سلام الله عليكم ورحمته وبركاته

اللازانيا
فيه ناس تقول مجرد مكرونة
إنما أنا أقول هى أحلى وأطعم وأشيك طبق ممكن يتقدم
خاصة لو اتعمل بفن وبمزاج
وانا عملته بمزاااااج على الآخر
يوم كنت راجعة من الشغل بدرى وبدأت السهرة مع اللازانيا
وكانت أحلى سهرة .. أول مرة أعمل لازانيا وتحوز إعجاب كل اللى يدوقها بالشكل ده ..
فعلا تستحق كل الوقت اللى أخدته منى وأنا بعملها
ولا تعتقدى ان تكلفتها غالية لأن الصينية اللى عملتها تكفى 8 أفراد لأن القطعة الواحدة مع شوية سلطة وجبة كاملة وهاتشبع بجد ..
<< رغاية البت دى
خلاص نبدأ مع بعض واستحملونى الخطوات كتيرة وانا صورتها بالتفصيل الممل وضيعت نص مساحة التحميل بتاعتى << الله يساعد الإدارة عليا


الوصفة فيها 3 مراحل
الحشو (اللحمة المعصجة)
البشاميل
سلق المكرونة
فى الأول ممكن تلاقى نفسك اتأخرتى وانتى بتعمليها لكن مع الوقت هاتلاقى نفسك بتعملى ال3 خطوات فى وقت واحد

نبدأ على البركة

اللازانيــــا





أول حاجة الحشو



نصف كيلو لحم مفروم
2 كوب عصير طماطم
باكيت صلصة طماطم (ملعقة كبيرة ونصف)
حبة فلفل أخضر
حبة بصل
حبة جزر
ملح - فلفل - قرفة - حبهان صحيح





اقطع الخضروات (البصل والفلفل قطع صغيرة - الجزر مبشور)



إيه رأيكم فى الجزر اللى عملته زى الوردة ده

اسخن ملعقة زيت زيتون أو زيت ذرة على النار



وأضع اللحمة عليها



وفوراً اضع القرفة علشان يضيع ريحة زفرة اللحم



وبعد ما يتغير اللون الوردى بتاع اللحمة
أضع الخضار عليها



وأقلب حوالى دقيقتين وبعدها أصب عصير الطماطم




واحط الملح والفلفل الاسود - والحبهان اطحنه طازج واضيفه




وأغطيها حتى تتسبك الطماطم

ولما تتسبك اضيف صلصة الطماطم ونصف كوب ماء



وأول ما تتشرب اللحمة كل الماء اللى فيها
كدة تبقى الحشوة جهزت عندى






نيجى للبشاميل
طريقة مختلفة شوية ودسمة شويتين بس عجبتنى اوى








2 كوب ماء
6 ملعقة كبيرة لبن بودر
حبة جزر صغيرة مبشورة
ثلث كوب دقيق (3 ملاعق كبيرة)
علبة قشطة (ممكن نصف كوب كريمة)
2 ملعقة كبيرة جبن سائل (استخدمت كيرى ومرة استخدمت بريزيدون)
2 ملعقة كبيرة زبدة
مكعب مرقة دجاج
عيدان قرفة - حبهان - فلفل ابيض





فى كوب ماء نضع الجزر المبشور مع القرفة والحبهان
ونغليهم غلوة على النار




وده شكلهم بعد الغلى




نصفيهم وندوب فيهم اللبن البودر




وبعدين نضيف عليهم كوب الماء الثانى ونقلبهم




فى حلة نضع الزبدة مع مكعب المرقة



وبس يدوبوا سوا نضع الدقيق



ونقلب حتى تروح نكهة الدقيق النئ




وبعدها نضيف اللبن شوية شوية ونقلب بسرعة حتى ما يتكتل




وبعدها نضع الفلفل الابيض وننزل من على النار
ونضع القشطة




والجبن




وبكدة خلص البشاميل

نيجى للازانيا


انا استخدمت النوع ده





بنسلق اللازانيا فى ماء مغلى مع ملح وزيت





وبس 7 دقائق نطلع الشرائح وننزلها فى ماء بارد





ونبدأ فى رص الصينية بتاعتنا


ندهن الصينية الاول بطبقة بشاميل





وبعدها لازانيا





وبعدين بشاميل




وبعدين مفروم




وهكذا لغاية اخر طبقة بتكون بشاميل

وبعدها نجهز (بابريكا - زعتر مجفف - ثوم بودر) << اختيارى





ونرش على الوجه





شوفوا الطبقات حلوة ازاى يمى يمى








وندخلها فرن ساخن ونفتح الشواية فى الآخر علشان اللون الأحمر الجميل

ولما تطلع نسيبها تهدا شوية مش نقطعها على طول

وبعدها تمتعى بأحلى وأطعم وألذ لازانيا


يلا نشوف تحت النتيجة

وإلى اللقاء

وووووووووووووووووووووووووووووووواووووووووووووووووو وووروووووووووووووووووووووووووووووووعة
يسلمووووووووو ياقمري

ماشالله شكلها بيسيل اللعاااااااااااااااااااااااااااااب
الطبقات رائعة بمعنى الكلمة
تسلم ايدك يابيرو
وبالهنا والشفا

ما شاء الله لاقوه إلا بالله
اللهم صلي علي سيدنا محمد -صلي الله عليه وسلم -
الله يسلم اليدين ويحفظك من كل مكروه

ررروووع ــــــــــــــــهـ بــ ج ـــد

شهتيني اعملها اليوم ،

الله يعطيكِ العافية

/

ماشاء الله روووووووعة شهتيني
بصحة وهنا

ما شاء الله رووووووووووووووووووووووعه

انت يا حبيبت خالتك عوزة تسمنينى يا بنتى ارحمينى شو هالجمال هذا ست بيت معدله

الله يخليك لاهل بيتك ويبارك فيك وصحه وهنا على قلبكم