الأكلة دى من الأكلات اللى نالت اعجاب محمد جوزى رغم انه مش بيحب الأكلات الدسمة

بس الحمد لله عجبته وعجبتنى جدا جدا

معلش الخطوات والصور كتير بس استحملونى


وبما إن الطريقة فيها قرفة يبقى نقول مشاركة لحبيبتى نانى



زربيان عدنى





لتتبيلة الفراخ



4 قطع فراخ منظفة ومغسولة جيداً

علبتين زبادى

ملعقة صغيرة من كل من (قرفة - فلفل أبيض - كمون - كزبرة)

4 حبات قرنفل




فى طبق عميق نضع الزبادى وعليها البهارات




ونقلب



وبعدها نتبل الفراخ فى الخليط ونغطيه وندخله التلاجة (يفضل فترة طويلة)

أنا تبلت الفراخ من الليل وعملت الطبق تانى يوم على الغدا

نبدأ فى تجهيز الرز








كوب أرز بسمتى مغسول ومنقوع فى ماء وملعقة ملح

حبتين بطاطس مقطعة مكعبات كبيرة

بصلة مقطعة صغير

2 بصلة كبيرة مقطعة جوليان

4 فصوص ثوم + قطعة صغيرة زنجبيل مفرومين





فى قليل من زيت الزيتون أو زيت الذرة نقلب البصلة المقطعة





وبعد ما يتغير لونه للاصفر نضيف الزنجبيل والثوم ونقلب



وبعدها نضيف الفراخ المتبلة ونقلبها شوية





وبعدين البطاطس ونقلب




وبعد تقليب خمس دقائق تقريباً نضيف 2 كوب ماء ونظبط الملح ونغطيها ونسيبها تستوى 3/4 سوا





وفى الوقت ده نسلق الرز








كدة كله جهز

نضيف الرز المسلوق على الفراخ ونساويه كويس




ونوزع قطع من الزبدة عليهم





المفروض اننا نرش ماء الزعفران على جزء من الرز بس اختكم ماعندهاش زعفران
وحبيت يكون نفس شكل الزربيان رحت جبت شوية مية وحطيت عليهم الوان طعام








ورشيت على جزء من الرز




ونجيب طبق فويل صغنون وفيه ملعقة سمن ونحطه فى النص على الرز







ونجيب قطعة فحم مولعة ونطفيها فى السمن ونغطى الحلة بسرعة علشان تاخد ريحة الفحم




ونرفعها على نار هادية جدا لمدة ربع ساعة او ثلث ساعة

وفى الوقت ده نعمل حاجتين


نسلق بيضة للتزيين




ونحمر البصل المقطع جوليان فى زيت .. للتزيين برضوا



ولما يتحمر نرفعه على ورق نشاف






وفى الأخير

نقلب الزربيان فى طبق التقديم

ونزينه بالبصل المحمر والبيضة المسلوقة


وبالف هنا وشفا


النتيجة فى الرد القادم

مممممممم بشهي منظره
تسلم ايديك والفحم بعطي الرز طعم بجنن

ماشاء الله تبارك الرحمن

دايما مبدعة بوصفاتك الحلوة واطباقك الشهية

عاشت الايادي المعدلة على الوصفة الطيبة

صورك في الرد الثاني غير ظاهرة حاولي تعيدي تحميلهم يا قمر

يعطيك الف عافية

ممممممممم

ماشاء الله عليك يابيرو طالعه من ايدك تحفه

وصحتين وعافيه

جيت على ريحة الزربيان العدني
ما شاء الله عليكي شاطرة كمان في الطبخ اليمني
عليكم بالعافية اختي الغالية
تحياتي و تقديري ..

بس ما قلتي
لما انقع الرز
ملعقة الملح كبيرة والا صغيرة

خلاص طالعة بلاش تعصبي

وشيلي العصاية بعييييييييييد



بس تروقي اكيد راح ارجع

تسلم الأيادي يا بطة شكله روعة

تم الحفظ للتجربة

يسلموا ايديكي يا بيرو زبيان بيتنجان روبيان حيتاكل حيتاكل
كل شئ من تحت دياتك رووعه والصوره بتشهي
الف صحه علي قلبك وقلب زوجك