السلام عليكن ورحمة الله وبركاته


حبيباتى فى الله .. دى أول مرة أشارك فى هذا القسم المميز .. ويارب اقدر اقدملكم حاجة تعجبكم

طبعا أحيانا بيعدى علينا أيام وبنبقى زهقانين من الطبخ او مستعجلين وعاوزين أكلة سريعة وجميل ومفيدة فى نفس الوقت علشان ازواجنا ميرجعوش من الشغل ويلاقونا عاملين أكل أى كلام .. كمان ممكن نكون زهقنا من اللحوم والفراخ وعاوزين اكلة حلوة من غيرهم والنهاردة انا كمان كنت عاوزة اغير وعلشان كدا عملت :



الكشـــرى الأصفــر والمسقعة الخاصة مع أحلى طماطم مخللة

وإليكم الوصفة والمقادير بالصور

اولاً: الكشرى الأصفر



المقادير: 2 ونص كوب أرز
2 ونص كوب عدس اصفر
بصلة صغيرة مفرومة
شوربة او ماء وملح ونصف مكعب ماجى

الطريقة : نخلط الارز بالعدس ونغسلهم بالماء جيدا من غير نقعهم .. وبعدين نجيب حلة ونحط فيها زيت حسب الرغبة ونشوح البصلة المفرومة تشويح بسيط ونقوم نضيف الرز والعدس ونسقيهم بالشوربة او المياو والملح والماجى ( وممكن الإستغناء عن الماجى للى مش بيحبه ) بس ولما المية تغلى نوطى عليه وبعدها بربع ساعة كدا نشوفه ولو استوى نطفى عليه .. وعلى فكر كل الخطوات دى مش بتاخد اكتر من 10 دقايق بالكتيييير كمان

ثانياً: المسقعة الخاصة

دى مسقعة غير اللى بنعملها صينية فى الفرن .. دى مسقعة خاص بالكشرى ..

المقادير: ثمرة باذنجان رومى او نصف ثمرة حسب العدد اللى هياكل



وثلاثة فلفل أخضر .. معلش نسي اصور الفلفل فجيبتلكم صور جاهزة


ونصف كيس صلصة جاهزة ونص مكعب ماجى وملعقة ثوم مفروم وخل وملعقة صغير سمن او زيت حسب الرغبة

ريقة :

نقطع الباذجان مكعبات صغيرة والفلفل شرايح .. اسفة كذلك ما صورت الفلفل المقطع



نقلى الباذنجان والفلفل سويا



وبعدين اثناء القلى نحضر الصلصة : نجيب حلة ونحط فيها السمن او الزيت ونضيف الثوم ونشوحه تشويحة بسيطة ونضيف الصلصة ونقلب ونضيف 1/2 كوب ماء ونضيف الماجى ونقلب واو ما الصلصة تتماسك نصف تماسك نضيف الخل .. وفى الأثناء دى هيكون خلصنا قلى الباذنجان والفلفل .. ناخدهم ونصفيهم على مناديل المطبخ وبعدين نضيفهم للصلصة ونقلب كويس ونطفى علطووووول

ودى صورةالصلصة



ودى الصورة النهائية للمسقعة




صحيح الكلام كتير بس فى التنفيذ كل دا مبياخدش اكتر من 10 دقائق ايضا

نيجى بقى للتحابيش والحاجات اللى تفتح النفس

الطماطم المخللة



بنجيب 5 حبات طماطم ونقطعهم مربعات

ونجيب المفرمة بتاعتنا .. نفرم 3 فصوص توم + 2 فلفل اخضر + ملح + 2 عصير ليمونة+ خل + كمون + كسبرة ناشفة

نضيف الخليط السابق ع الطماطم ونقلبها

.................................................. .......................................

أتمنى أكون قدرت افيدكم وأوصفلكم وصفة سهلة .. وبجد بجد بتطلع اكلة رااااائعة ومفيدة جدا وتغيير عن الأكل اليومى .. وصدقونى التحضير والعمايل ما بتاخد اكتر من نصف ساعة او ساعة إلا ربع بالكتييييير وبالهنا والشفا

تسلم ايديكى حبيبتى
يسعدنى اكون اول واحده اشارك فى موضوعك
بجد الاكله دى انا بموووت فيهااا بنسميه كشرى عدس وبنعمل معاها مسقعه زى بتاعتك كده وبنحط فيها بطاطس بردوه مع المخلل
وكمان ساعات نسلق بطاطس ونحمرها او باذنجان بدقه هيا اكلة جميله جداا وفعلا مابتاخدش وقت خالص بس للاسف بقالى زمن ماكلتهاش
جوزى مبيحبهاش

اهلا شوشو الموضوع نور بمرورك الكريم يا قمر .. وحلوة الإضافات اللى ذكرتيها .. وبالنسبة للأكلة اعمليها وكليها انتى وبلاش جوزك وهو اول ما هيشوفك بتاكليها نفسه هتتفتح هههههههههه

تسلم ايدك يا مرمر والله يفتح النفس الكشرى الاصفر ناوية اعملة بكرة شجعتينى

الله يسلمك يا كنوزة .. سلمى على مرورك الكريم يا قمر .. يالا اتشجعى واعمليه وبجد تحفة ومش بياخد وقت

يسلمووو ايديك حبيبتي

السلام عليكم ورحمة الله وبركاته
سلمت يداكِ ما شاء الله
الصراحة أنا باموووووووووووووووووووووووت في الأكلة دي جداًاااااااااااااااااااااااااًخااااااااااااالص
فكرتيني بكل الأطباق الحلوة دي اللي كنت باكلها من يد ست الحبايب الله يرجعنا ليها ولبلادنا الغالية بالسلامة يا رب
معلش طولت عليكِ بس فعلاً تسلم إيدك جمييييييييييييلة

وصفه سهله وسريعه

وواضح انها لذييييييذه والطماطم فكرتها روووعه

الله يعطيكي الف عافيه حبيبتي

وما تحرمينا من وصفاتك

ما شاء الله اطباق في منتهى الروعه احب السريع دايما تسلم ايديك الف شكر