* وصفة مصورة *الرز المعمر من مطبخى بالصور
انهارده هقولكم على طريقة الرز المعمر بعمله على طول وبيطلع رائع
المقادير
2.5 كوب ارز
كوب و ربع ماء
2كوب لبن
ملعقه كبيره سمنه بلدى
معلقه كبيره قشطه
ملح حسب الرغبه
الطريقه:
اول حاجه نغسل الرز كويس ونصفيه من المايه
نضعه فى حله ونضع عليه معلقه كبيره سمنه
نضيف حوالى كوب وربع ماء او حتى يكون الماء قبل الرز قليل كما فى الصوره والهدف منه ان الرز يستوى بسرعه ومياخدش وقت كتير فى الفرن
نتركه حوالى 5دقائق حتى يشرب الماء وفى هذه الاثناء نكون فاتحين الفرن ونضع الطاجن فاضى يسخن شويه حتى يسرع ايضا من عملية النضج
نكون حاطين اللبن على النار حتى يغلى
نضع الرز فى الطاجن ثم نضع عليه اللبن الساخن ويكون اعلى من الرز بحوالى 2سم اكتر من معيار الرز العادى ونقلبه كويس
نضع معلقه كبيره قشطه ونوزعها على وش اللارز
نوزع القشطه كويس على وش الرز وندخل الطاجن الفرن على اول رف من تحت علشان يشرب اللبن ويستوى
نترك الارز فى الفرن حوالى نصف ساعه على الرف الاول لغاية لما يشرب اللبن كله ويبدا وشه يحمر بالشكل ده
نرفع على الرف العلوى حتى يكتسب اللون الاحمر ويكمل سواه وهيطلع بالشكل ده
ده هديه لاول واحده ترد بالهنا والشفا يارب يكون عجبكم وتجربوه وتقولولى واللى ليها اى استفسار تسال براحتها
قدمته جنب كفته داود باشا معلش الصوره طالعه مش مزبوطه
رد مع الاستدلال
كتبت بواسطة وعود الخير
الروابط المفضلة