بسم الله الرحمن الرحيم
الاخوات المصريات الصعايدة عنا عايشة في الغربة وبحب وبعشق الكشك وبعرف اطبخة بس للاسف هو فين الكشك عشان كدا انا عايزاكم تساعدوني في طريقة عمله يعني بيتكون من ايه وايه الخطوات بالتفصيل الممل
واسفة لو كنت طلت عليكم
وجزاكم الله خيرا

تفضلي يالغاليه هذا الرابط بأذن الله سيفيدكِ
http://www.lakii.com/vb/showthread.p...D5%DA%ED%CF%ED

الف شكر ليكي يا بيرو ع ردك اتي الوحيدة الي دخلت وردة
بس انا كنت بسال عن ازاي بيتعمل الكشك من القمح واللبن الرايب ويتشكل كور مش طريقة الطبخ
ياريت لو تعرفي تفيديني

السلام عليكم اختي الكريمة

انا عندي فكرة عن صناعة الكشك لكن عمري ما عملته ساعطيك الطريقة وجربي في كمية قليلة

المكونات : قمح انقعيه ثم اسلقيه مثل البليلة
صفيه واخلطيه مع اللبن الرايب و ملح وتوابل اهمها الكمون الصحيح وقليل من الشطة
واخلطيهم حتي يتكون خليط يسهل تشكيله
شكليه كور وبعدين لازم ينشف في الشمس وبعدين استخدميه

اتمني اكون افدتك ولو مش مستعجلة انتظري حتي اسال والدتي

وربنا يهون عليكي الغربة

السلام عليكم
طريقة ام هيا صحيحة فعلا لكن الافضل تستخدمى فريك مش قمح صحيح
انا باطبخة بفريك وزبادى ودقيق وبيطلع زى اللى بنجيبة جاهز بالضبط
ولو عاوزة الطريقة بالتفصيل انا فى الخدمة
ربنا يرعاكم ويحفظكم جميعا

الف شكر ل ام هيا وحارس و ماما نوسة واحنا بنعمله بالقمح مش الفريك وانا مشمستعجلة ومستنية الطريقة