السلام عليكم و رحمة الله و بركاته
انا عايزة اشارك في ملف الباذنجان بس مش عارفة احط الموضوع فين " الجهل وحش ههههههههههههههههه"
قلت أحطه في مكانه أفضل
اليوم جبت لكم طبق مقبلات سهل جدااااا و لذيذ و كمان صحي
ياللا نبدأ علي طول
بسم الله الرحمن الرحيم
مقبلات الباذنجان المشوي بالجبنة
المكونات:
باذنجان مقطع شرائح طولية او عرضية زي ما تحبي
شرائح جبنة من النوع اللي بتحبيه انا استخدمت الشيدر
بس الرومي أحلي
الطريقة:
نقطع الباذنجان و نضع فوقه ملح و نتركه لغاية ما ينزل ميته
نسخن الشواية و ندهنا بشوية زيت زيتون صغيرين اوي و نحط الباذنجان
لما نحس انه استوي 3/4 سوي نضيف الجبن لنص عدد شرايح الباذنجان زي الصورة كده
نقفل بالنص التاني فوق الجبنة و نقفل الشواية
و نسيبها دقائق معدودة
شوفوا الجبنة سايلة ازاي؟ يمممميي
لما نحس انه تمام نطلع الباذنجان في الطبق
انا قدمت جنبه لنفسي
سلطة زبادي + شرايح صدور فراخ مشوية علي الشواية بعد الباذنجان
+ رغيف سن + خيارة
شوفوا الجبنة جواه منظرها رووووووووووووووووعة و طعمها واااااااااااااو
اما لجوزي انا قدمت جنبه بردو فراخ مشوية + شوربة فراخ بالكريمة + بطاطس بيوريه
يا رب تكون عجبتكم
الروابط المفضلة