المقلوبة اكيد الكل بحبها
حبيت اشارك بملف البيتنجان للغالية ام موسى
المقادير
دجاجة مقطعة 4 قطع ومنظفة
2 حبة بيتنجان وسط
حبة بطاطا
حبة فليفلة حلوة
جزر حوالي 4 جزرات كبار
رز مصري انا خلطت رز الوليمة مع رز مصري
بهارات مشكلة
حمص حب منقوع
ماجي بودرة معلقة كبيرة
اول شي بنسلق الدجاج مع بصلة وبهارات والحمص الحب
انا بفضل اقلي الدجاج بعد الاستواء
بنقلي البيتنجان والبطاطا والجزر والفليفلة
بنحط الخضار بطنجرة التيفال وبعدين بنحط الدجاج
وبنرش عليهم شوية بهار وشوية فلفل اسود
بنقلي الشعيرية وبنحطا عالرز
بنحط عالرز ملح وبهارات مطحونة
زنجبيل بودرة فلفل اسود وبهار سادة واهم شي القرفة لانها بتعطي نكهة غير شكل للمقلوبة
بنحط مرقة اللحمة بعد ما نحط عليها الماجي وضوروي تكون مرقة اللحمة سخنة كتير
بنحط المقلوبة على نار حامية اول 10 دقايق وبعدين بنوطي عليها لمدرة ربع ساعة او اكتر حسب ما تاخد
وازا حسيتي انه بدها مي زيديها
بنزينها باللوز والصنوبر والبقدونس المفروم
وهاي لاول رد
بتمنى طبختي تعجبكن
في امان الله
رد مع الاستدلال
]
الروابط المفضلة