(الاطباق الرئيسية)الشيشبرك الحلبي &ياخيتو غير شكل(ملف الحليب ومشتقاته)&
السلام عليكم كيفكم يا اخواتي الغاليات
من زمان ما طبختلكم شي طبخة
هههههههههههههه
اليوم عاملتلكم شيشبرك عالطريقة الحلبية
ومعروف الاكل الحلبي مافي كلام اطيب اكل
المهم بعد التفاخر وشوفة الحال
رح ابدا بالمكونات
العجينة
طحين وماء ورشة ملح
لازم تكون العجينة قاسية ومو طرية ونتركها نص ساعة او ساعة حتى ترتاح
لحتى ترتاح العجينية
بنفرم بصل ونقليه مع لحمة ناعمة وملح وبهار عالنار
لتستوي اللحمة والبصل
بعدين بنجيب العجينة ونمدها لازم تكون رقيقة حتى ما تنفش وقت السلق
منرقها منيح ومنقسمها دوائر صغيرة متل دائرة فنجان القهوة
ومنحشي كل دائرة باللحمة والبصلة
ملاحظة
حاولو تصفو اللحمة من الزيت الزائد حتى ما تفتح العجينة وقت الطبخ
منحشيها منسكر اطرافها ومنلفها بالمقلوب حتى تصير متل شكل القبعة ومنصفهم بالصينية
بس نخلص الافضل نترك العجينة تنشف منرش عليها شوية طحين حتى ماتلزق ببعضها
امي كانت تحط العجينة المحشية بالفرن وتشغل الفرن من فوق وتحركها كل شوي
طبعا ما بدنا ياها تاخد لون ابدا
بس بدنا النار تنشفها
بهالوقت منغلي ماء وملح عالنار حتى نسلق العجينة
في ناس بطبخوها فورا بس نحن هيك منعملها
بس تغلي المي والملح منحط فوقها العجينة اللي نشفناها بالفرن
ونوطي النار وبعد شي 7 دقائق بتكون انسلقت منصفيها
ملاحظة
استخدمي بس معلق الخشب بالتحريك حتى ما تنشق العجينة
ومنجيب اللبن
لازم يكون لبن غنم سوري
اله طعمة حموضة اطيب
منحطله بيضة او بيضتين حتى يتماسك حسب الكمية
وبعدين منحطه عالنار ومننحطله شوية من ماء سلق العجينة
بس بلش يغلي منحط العجينة المسلوقة فوق ونتركهم يغلو عنار هادية من غير مانغطي الطنجرة
يعني تلت ساعة تقريبا
منطفي عالشيشبرك صار جاهز
ببقى اخر خطوة واهم خطوة بالطعمة
وهي الكوية
توم مدقوق وكزبرة وزيت منكويهم عالنار ليصير لونهم ذهبي ومنحطهم فوق الشيشبر ك
انا بحب الكوية كتير لهيك بكتر كميتها كتير
نترك الشيشبرك شوي يبرد افضل لانه اللبن بسمك شوي
وبعدين صحة وهنا
وهي صور الشيشبرك
بتاكل جنبه بصل اخضر
وفي ناس بتاكل جنبه سسمبوسك او خبز
والف صحة وهنا
اكلة كتير طيبة وكتير بحبها
ودائما بدعيله للي اخترعها هههههههههههههههه
من كتر ما بحبها
رد مع الاستدلال
كتبت بواسطة بيبي مورو
الروابط المفضلة