بسم الله الرحمن الرحيم

السلام عليكم ورحمة الله وبركاته

اليوم محضرتلكو ملفوف طقع

بس قبل بدي هههههههه احكيلكو ها القصة اللي عنجد نهفة وبعرفش كيف معزوزي تحملها وكيف انا اصلا عملتها

هذا قبل فترة حابلي ملفوفة ومليش خلء اعملها ولا الفها ولا اشتغل فيها ضلت اسبوع واسبوعين وقربت على التالت
وقلت يا بنت عيب عليكي خلص استحي عدمك واعملهيا
وابصر ميييييييييييييييييين الله يسامحها وحده حكتلي لا تلفي ولا عبالك
ههههههه افرمي وحطي طبقة رز وطبقة ملفوف
وانا رحت عملت وطبقت
هو صحيح طلع ملفوف بس نو واي مشروع فاشل
وطبعا معزوزي بس شاف المنظر غط عقلبة وحكا مالك يا مرة؟ مش عوايدك ليش؟ هيك
طبعا بهدوء يرضى عليه شو حليم

وقلت لازم اعاود اصلح الوضع واعيد المشروع بس بشطارة ها المرة

وشوفو معي شو صار

حضرة الحشوة وانا بحب اقلي اللحمة اول مع الدهنة

بعدين بضيف الرز المنقوع وبقلي اشوية بالطنجرة

بعدين بهارات المحشي ملح وفلفل وبهار

الملفوف نقطعه ونسلقه

هاي لحمة قص قليتها اشوية بقاع الطنجرة

وهون لفيت الورقات

بصراحة الملفوف من انواع الورق اللي بسرعة تنلف واللي ابدا ما ينفك معك بالطبيخ حتى عملت ورقة كبيرة وطبعت زي المحشية معي

حطيت بقاع الطنجرة عرقو الملفوف عشان اذا لزق يحمي الورقات

وفوقها لحمات القص........وبعدين الورقات

وهلاء بس نطبخه نحط الصحن فوق الورقات وندير عليه المية ونطبخه اول ربع ساعة على نار متوسطة وبعدين لمدة ساعة ونص عنار هادية او لحتى يستوي

واخر شي نرفع الصحن ونشوف اذا استوت الطبخة

انا بقول شكلها استوت

نكفت الطنجرة ونتركها شي ربع ساعة اذا حبينا يطلع منظرها زي المقلوبة

تراتراتراااااااااا

شو رايكو

مع شرحة ليمون ولبن للي بحب وصحتين

ومين اول لقمة؟

ولكم تحياتي واحتراماتي

الماسة

ام سوسو ولولو وعبد الله

رووووووووووعة لموسة
وحشتيتي كتييييييييييييير
تسلم الايادي

باعرف اهل الخليل اهل كرم

ارمي لك شي صحن
ولازم معه شمعه


تسلم الايادي يا عسولة

هههههههههههه لموسة الله يسعدك ما الزك
ويسلموووووووووووو الايادي الحلوووة يا ست الكل
شووو هالملفوف اللي بشهي مممممممممم
شهتيني قبل اسبوعين عملته
صحة على قلووووبكم ياارب

افراج اهلا وسهلا بيكي يا مرة نورتينا وانا اشتقتلكو كتير والله

نسومة ماهذا الملفوف اللي حكيتله عنك قبل اسبوعين شفتي متى عملنا

ههههههههههههه ايوه لموسة اتذكرته
يعطيكي العافية
عنجد بفكر اعمله بعطلة الاسراء والمعراج
الملفوف مهما عملتيه ما بتملي منه والاهم الاولاد بحبوه

ومين اول لقمة؟

انا ما بدي افشلك اصلي عامله روووجييم
يسلموا ايديكي يا ام العبد والف صحه وهنا علي قلبكم

اخخخخخخخخخخ يا وردي
ريحة الملفوف وصلت لعندي
ارحمينا يا لموسه
بس منظرهم بشهي
تسلم الايادي المعدلة

ياعيني عليكي ياماسه
والا اجدع شيف بيعرف يطبخ هيك ملفوووف
يعطيك العافيه بس عجبتني طبقاات الملفووف ههههههه اوعي تعيديهااا