سمكة الفارس مع البطاطس فى الفرن

بداية .. سمكة الفارس سمكة طعمها جميل جدا اصطدناها فى رحلة صيد فى البحر الأحمر بس طبعاً صورها احنا موجودين فيها << فرحانين واحنا بنتصور بيها

بس جبت لكم صورة لها من النت

وطبعا لما جيت اعملها كانت كبيرة وماعنديش صينية تشيلها فقسمتها نصين

فوجبتنا النهاردة ان شاء الله هاتكون نصف سمكة الفارس مع البطاطس

نصف سمكة الفارس

وفى القالب البايركس اجهز

2 حبة بطاطس مقشرة ومقطعة شرائح

2 حبة طماطم مقطعة شرائح

بصلة كبيرة مقطعة شرائح

فلفل رومى وفلفل حار مقطع

وهنا طبق عميق فيه البهارات
(ملح - فلفل اسود - كمون - قرفة - باكو مرقة دجاج فورية)

وهنا ضفت على البهارات

ملعقة كبيرة خل بلسمى - ملعقة كبيرة صوص سمك

ملعقة كبيرة عصير ليمون - فنجان زيت نباتى او زيت زيتون

وقلبته كويس

طبعا غسلت السمكة ونضفتها كويس

اتبلها بخليط البهارات وادعكها كويس بيه

واحطها فى الطاجن

وباقى خليط البهارات اضيفه على البطاطس

واغلفها بالفويل وادخلها فرن درجة حرارته 190 لمدة 40 دقيقة وبعدين اشيل الفويل واشغل الجريل علشان تاخد لون ذهبى

واجهز سلطة الطحينة والمخلل

وزينتها بشرائح الليمون والشبت وقدمتها

بالهنا والشفا

طعمها رائع ولحمها طرى ولذيذ

وطاجن البطاطس طعمه جميييل

النص التاني راح فين يابيرو

عايزاه مع البنوتة التانية ..

طبق شهي

سلمت يمناك وصحتين وعافية

سلمت يداكِ يالغاليه على الوصفه الطيبه والشهيه

ماشاء الله يا بيروو
ايه الحلاوة والطعامة دى
محترفة حبييبتى
اعملى حسابى فى الغدا النهاردة
تسلم الايادى
وبالهنا والشفا

ماشاء الله تبارك الرحمن

وصفة حلوة واسم احلى

عاشت الايادي المعدلة

احلى بيرو والله
ما شالله عليكم تسلم ايدك
جزاكي الله الف خير على هاد الطبق شكلو اممممممم شهي

ماشاء الله تبارك الرحمن

وصفة حلوة وروووووووووووووووعه يا قمر

عاشت الايادي المعدلة بدى نصف السمكه الموجودة ما حد طلبها

جزاك الله كل خير

تسلم ايديكى الحلوة

مشكورة والله يعطيك العافية

تسلم ايديكي
طبق بشهي ما شاء الله