بسم الله الرحمن الرحيم
اخواتي اعضاء منتدانا الغالي
السلام عليكم ورحمة الله وبركاته
اضع بين يديكم افضل طريق في العالم برياني
على اصوله أؤكد على اصوله
يعني ماخذتها من كتاب طبخ ولا من الانترنت
هذي الطريقه طلبتها من جارتي الهندية
يعني طريقة من الهند^^^^ولا تحلمووووون
اتمنى تعجبكم ^_^
اسفه على الاطالة.
المقادير:
كاستين رز
نص بيالة زيت للكشنة
دجاجة مقطعة ارباع او لحم هبر بس اللحم اطعم
بصلتين كبيرة مقطعة حلقات
ربع كاسة زنجبيل مفروم
علبة لبن زبادي
نص كاسة نعناع مفروم
نص كاسة بقدونس مفروم
حبة طماطم
ربع بيالة عصير ليمون
اربعة فص ثوم مفروم
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2592x1944 و بحجم 479KB.
هذي صورة المقادير
الطريقة:
نكشن البصل الى ان يحمر لونه
نحط اللحم ونقلب
بعدين نحط الزنجبيل والطماطم والثوم والليمون ونقلب
ونحط اللبن ونقلب
بعدين نحط البقدونس والنعناع المفروم ونقلب
(لأن التقليب اهم شئ هو السر يعني مانحط اللحم الا بعد ما يذوب البصل وما نحط اللبن الا بعد مايذوب ويختفي الزنجبيل والطماطم) وهكذا
تستمر الكشنة في التقليب تقريبا ربع ساعة وما نغطي القدر عشان تستوي اللحمة الا بعد ماتختفي وتذوب كل مقادير الكشنة
هذي شكل الكشنة قبل ما نغطي القدر (قدر ضغط)
(اذا كان البرياني بالدجاج مايحتاج موية لان مويته تكفي اما اذا كان بللحمة نضيف كاسة موية فقط زي الي فصورة)
هذا شكل اللحم بعد ماستوى
وفي الوقت الي تطبخ فيه اللحمة نكون سالقين الرز ثلاث ارباع سلقة
بعدين نحط الرز المسلوق ثلاث ارباع سلقة فوق اللحم ليكمل استوائة عشر دقايق على نار هادية ونحط الزعفران مع كادي حسب الرغبة
وهنا شكل الرز بعد ماستوى مع اللحم
لكن لازم يقعد يخمر عشر دقايق في القدر قبل ما نغرفه عشان تثبت النكهة
قبل مانسى (ترا الزنجبيل واللبن والزيت الكثير والتقليب المستمر) هذي كلها اساسيات و سر البرياني الناجح
اما الوصفات الثانية الي مدري اش تبغا هيا فوادي والبرياني فوادي
رد مع الاستدلال
الروابط المفضلة