الفتة دى انا أكلتها بمطعم شامى فى القاهرة .. وفضلت وراها بعد 3 تجارب لغاية ما وصلت لنفس الطعم ..
أول حاجة علشان الشاورما (ممكن تستخدمى فراخ او لحم)
انا استخدمت فراخ
نصف كيلو صدور فراخ مقطعة شرائح رفيعة
كوب خل أبيض (أو ما يغطى الفراخ)
فى طبق عميق نضع الفراخ وعليها شرائح البصل ونغطيها بالخل وملح وفلفل
ونغطيها ونسيبها فى الثلاجة من الليل .. وثانى يوم نطلع الفراخ فى طاسة من غير أى مواد دهنية .. ونصفيها كويس من الخل
ونقلبها على نار هادية لغاية ما تنزل كل السوائل اللى فيها وتشربها تانى وتنشف شوية بالشكل ده
ونجهز حبة طماطم وحبة فلفل أخضر
ونضيفهم على الشاورما اول ما تستوى
ونجيب عيش شامى ونقطعه مكعبات وفى ملعقة من السمن نحمره على النار
علبة زبادى - ملعقة كبيرة مايونيز - ملح - ثوم بودر
اخلط المقادير مع بعض وبكدة جهزت الثومية
وأكون مجهزة أرز بسمتى بالطريقة العادية وبإضافة الكارى
أول حاجة العيش الشامى المحمر
وأجيب ورقة خبز وأعملها قرطاس .. واملاها بالثومية ..
وأرشها على الفتة رايح جاى بالشكل ده
وزينتها ببعض قطع العيش الشامى
وشوية صور تانى على الماشى
الروابط المفضلة