انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 6 12345 ... الأخيرالأخير
عرض النتائج 1 الى 10 من 55

الموضوع: *وصفات متميزة* ملكة السـفرة الســورية الكبـة وأنواعها (الأسبوع الشامي)

  1. #1
    تاريخ التسجيل
    May 2008
    الموقع
    ســـوريـة مقيمة في الرياض
    الردود
    5,172
    الجنس
    امرأة

    Pic4 *وصفات متميزة* ملكة السـفرة الســورية الكبـة وأنواعها (الأسبوع الشامي)



    يسعد مسا الغاليات على قلبي

    اليوم سأقدك لكم ملف كامل عن الكبة وأنواعها إن شاء الله

    طبعاً الشكر بالأول والأخير للوالدة ربي يطول بعمرها ويخليلي ياها يا رب لأن لها الفضل الكبير من بعد الله في عمل الكبة ونجاحها

    يلا بسم الله

    المكونات

    1-واحد كيلو هبرة وبالصورة أنا عملتها نصف كيلو هبرة دجاج مع نصف كيلو هبرة بقر (حسب الرغبة)

    2-6 كاسات برغل خصوصي للكبة

    3-حبتين بصل متوسطة الحجم

    4-ملح حسب الرغبة -رشة فلفل صغيرة

    5-ماء بارد (يفضل مثلج)

    الحشوة:

    كيلو بصل- كيلو لحمة مفروم-ملح زيت نباتي للتلفيح

    نقوم بتشويح البصل بالزيت النباتي ثم نضيف اللحمة والملح ونقوم بتقليبها حتى تستوي وتصبح جاهزة

    من المهم وضعها في مصفاة حتى نتخلص من الزيت الزائد فيها

    نضيف لها الصنوبر المحمص وبعض الجوز المقطع وتصبح جاهزة

    دهنة مضاف اليها فلفل أحمر حلو وفلفل أسود

    ملاحظة هااامة

    أخواتي الغاليات خففو من البهارات المستخدمة بعمل الكبة حتى تتذوقو طعم الكبة الأصلية

    يعني لوكان اللحم طازج ونوعيته مميزة والبرغل أيضاً ما في داعي لإضافة بهارات وتوابل على عجينة الكبة لأنها كلها تؤثر على الطعم الأصلي وتعطينا طعم آخر ....نصيحة فقط ...

    الطريقة:
    نضع البرغل مع الهبرة والبصل والملح والماء في وعاء واسع .

    ملاحظة صغيرة نصب الماء على دفعات وفي كل مرة نفرم فيها الكبة على الماكينة نحتاج الى القليل من الماء كي يصبح التعامل مع الكبة أسهل ولكن كونو حذرين لما تكترو مي وتخرب العجينة يضاف الماء حتى تصبح لينة وسهل التعامل معها وقد تحتاج الى فرم من 5 الى 7 مرات حتى تصبح جاهزة لعمل الكبة

    المكونات أصبحت جاهزة ,والآن إلى الخطوة التالية ..فرم الكبة على ماكينة الكبة ولاااااا ينفع الخلاط ارجو الانتباه.


    ومتل ما حكيت من قبل الكبة بحاجة الى الفرم مرات عديدة حتى تصبح لينة وناعمة مو متل كبة المطاعم خشنة ومبرغلة لأنن ما بيفرموها متلنا
    المهم بنبلش نعمل الكبة العادية المعروفة مع اضافة الماء على اليدين باستمرار لحتى يسهل عمل الكبة
    متل هالشكل


    وبالصورة بتبين معنا كيف طريقة المسك وعمل الكبة ,نضع فيها اللحمة الملفحة مع البصل واذا حبيتو شوية دهنة أطيب وألذ بس انتبهو ما بتسوى لجماعة الريجيم

    وبالصورة في كم شكل للكبة ما شاء الله كبيرة وصغيرة وبتناسب جميع الأعمار والأذواق


    وعنا أكيد نوع تاني من الكبة اللي هو الكبة باللبنية و الكبة بالكشك
    وهي بكون حجمها أصغر ونضع فيها الدهنة أو اللحمة حسب الرغبة وهي صارت جاهزة كمان(شوفوعلى جنبها كيف بكون شكل الدهنة لتكون جاهزة للحشو)



    هلئ صار دور المطابقات أو الكبة المشوية
    وطريقتها بنعمل كرات وبكبس عليها بصحن وهيك بتطلع معنا طبقة من المطابقة وبنعمل الباقي بنفس الطريقةونضع فيها الدهنة مع قليل من اللحمة
    ونقليها او نشويهاوهي المطابقات صارت جاهزة كمان


    وهيك بنكون خلصنا الكبة وباقي علينا القلي
    قلي الكبة يجب أنو يكون الغاز بأعلى درجاته وقت بيحمى الزيت نضع الكبة وما بتاخد وقت بس تستوي من برا لأنو اللحمة ملفحة وجاهزة ولا ننسى التقليب المستمر لها حتى لا تحمر جنب أكتر من التاني
    أما المطابقات نخفض من حرارة الغاز حتى تدوب الدهنة على مهل وما تحترق من برا وتضل الدهنة على حالها من جوا

    تفضلو النتيجة

    ما شاء الله لا قوة إلا بالله


    مطابقات مقلية


    تُقدم شوربة العدس مع الكبة المقلية وإن شاء الله بنزلها بقسم المقبلات

    بالنسبة للمطابقات المشوية نضع مع الحشوة القليل من دبس الرمان بيعطيها طعم مميز جداً

    بالنسبة للكبة بلبنية وبالكشك
    نقوم بسلقها بماء مغلي مضاف له القليل من النشاء ورشة ملح
    (مثلا ليتريت ماء مضاف له ملعقة طعام نشاء ورشة ملح )
    نسلقها وتصبح جاهزة نقوم بتفريزها عندما تبرد أو نضعها باللبن أو الكشك

    الكبة بالكشك (سبق وأدرجت معجنات بالكشك وتعريف ما هو الكشك )
    نحضر الكشك المكون من :
    ماء بارد يُضاف له كشك ويحرك حتى يذوب(كل كأس كشك يقابله من أربع إلى خمس كاسات ماء) ,يوضع على النار وعندما يغلي نضيف ثوم مهروس ونتركه يغلي قليلاً ثم نضيف حبات الكبة ويتم تسخينها ثم نسكبها في صحن التقديم مع رشة نعنعة يابسة عالوجه

    الكبة بلبنية
    دائما ما يرافق الكبة بلبنية الششبرك
    وهو معروف (طحين وملح وماء يتكون لدينا عجينة نعمل منها حبات الششبرك ونقوم بحشوها بنفس حشوة الكبة من غير المكسرات )
    الششبرك بشكلين معروفين لدى الجميع

    بعد السلق بالماء والنشاء مثل الكبة تمااام

    نحضر اللبن ويفضل لبن الغنم أو الماعز ونشويه ونضيف له كأس صغير قمح مسلوق وكأس صغير أرز مصري مسلوق وهذا سر الطعم الرااائع الذي تتميز به الكبة بلبنية في بيتنا
    نضيف الكبة والششبرك المسلوقين سابقاً وننتظر حتى يغلي اللبن مع الكبة والششبرك وبتكون الكبة باللبنية والششبرك جااهزين



    وأخيراً وليس آخراً
    الكبة بالصينية
    ندهن صينية شوي بالسمنة العربي ونفرد عجين الكبة عليها
    بفرد قطع صغيرة وجعلها متساوية من حيث الإرتفاع
    نفرد الحشوة المجهزة للكبة ونغطيها بعجين الكبة من جديد ونقوم بالضغط عليها وجعل سطحها مستوي ولا ننسى بل أيدينا بالماء البارد
    نقوم بتقطيعها وتزيينها بالمكسرات وندهن وجهها بالسمنة العربي أيضاً

    نشويها بفرن حامي إلى أن تحمر أطراف الصينية
    نشغل الشواية لياخد الوجه اللون المطلوب وبتكون جاهزة

    تُقدم مع شوربة الشعيرية سأقوم بإدراجها بقسم المقبلات لاحقاً إن شاء الله

    وألف صحة وهنا وإن شاء الله كون قدمت شي مفيد والبنات يلي حابة تتعلم الكبة السورية عالأصول تجرب وتدعيلي
    دعواتكم الحلوة لأنو تعبت
    من الضهر وأنا عم أكتب بالموضوع
    بس منتدى لكِ بيستاهل التعب وأكتر من هيك
    سلامي يا غالياتي
    آخر مرة عدل بواسطة وعود الخير : 05-02-2011 في 10:05 AM السبب: اضافة شعار

  2. #2
    تاريخ التسجيل
    Jun 2009
    الموقع
    بريطانيا مدينة الضباب uk
    الردود
    7,474
    الجنس
    أنثى
    تسلم إديكي شكلو يجنن



  3. #3
    اسورة's صورة
    اسورة غير متواجد كبار الشخصيات-متألقة صيف 1432هـ - لمسة جمال
    "متميزة صيف 1429هـ "
    تاريخ التسجيل
    Jun 2007
    الموقع
    ღ العــــــ بغــداد ـــــراق ღ
    الردود
    21,835
    الجنس
    أنثى
    يم يم

    شكلها يفتح النفس

    سلمت الايادي الحلوة

    ::








  4. #4
    تاريخ التسجيل
    May 2008
    الموقع
    ســـوريـة مقيمة في الرياض
    الردود
    5,172
    الجنس
    امرأة
    شــكراً غالياتي

  5. #5
    تاريخ التسجيل
    May 2007
    الموقع
    بعيد عن اهلي................ ,وتركت قلبي عند الغوالي ورجعت فارغة الجسد usa
    الردود
    6,591
    الجنس
    امرأة
    التكريم
    • (القاب)
      • همة نحو القمة
      • متألقة صيف 1432هـ
      • زهرة ربيعية
      • متميزة ركن الحلويات
      • شعلة العطاء
      • سفيرة المغتربات 1
    (أوسمة)
    يسلموا ايديكي يا بسمه وايدين الوالده الله يخليلك اياها وكل الانواع بتجنن وخاصه بالكشك واللبن
    اللهم اغفر لامي وابي وارحمها ووسع قبرهما وتجاوز عن سيئتهما واغسلهم بالثلج والبرد وارفع درجاتهم واجمعهم مع الانبياء والصالحين




    توكلت على الله العظيم رب العرش العظيم وهو على كل شئ قدير
    لا إله الا أنت سبحانك إني كنت من الظالمين


  6. #6
    تاريخ التسجيل
    May 2008
    الموقع
    ســـوريـة مقيمة في الرياض
    الردود
    5,172
    الجنس
    امرأة
    الله يسلمك أماني الغالية
    ويخليلك أهلك وكل أحبابك يا رب

  7. #7
    تاريخ التسجيل
    Jan 2009
    الموقع
    بين احبائي في منتدى لك ..........
    الردود
    7,463
    الجنس
    امرأة
    التكريم
    • (القاب)
      • مبدعة ركن الحلويات
      • جوهرة الحنان
      • متألقة ركن المعجنات
    (أوسمة)
    ما شاء الله يا بسمة كبة بتشهههههههههي
    تسيلم ايدك وايد الوالدة يارب
    عنجد منظرهم ما شاء الله بياخد العقل
    انا كتير بحبها وبشتريها جاهزة ههههه بس عملتها كزا مرة وزبطت معي الحمد لله

  8. #8
    ♥أم عبد الله♥'s صورة
    ♥أم عبد الله♥ غير متواجد كبار الشخصيات- بالعلم نرتقي -شعلة العطاء -لؤلؤة شتوية نادرة- بالعلم نرتقي - زهرة الحوار
    تاريخ التسجيل
    Mar 2007
    الردود
    10,541
    الجنس
    امرأة
    التدوينات
    9
    ما شاء الله كبة تشهي
    تسلم الأيادي

    جزاك الله خيرا




  9. #9
    تاريخ التسجيل
    May 2008
    الموقع
    ســـوريـة مقيمة في الرياض
    الردود
    5,172
    الجنس
    امرأة
    تعقيب كتبت بواسطة مجد الاقصى عرض الرد
    ما شاء الله يا بسمة كبة بتشهههههههههي
    تسيلم ايدك وايد الوالدة يارب
    عنجد منظرهم ما شاء الله بياخد العقل
    انا كتير بحبها وبشتريها جاهزة ههههه بس عملتها كزا مرة وزبطت معي الحمد لله
    صدقيني الكبة اذا جربتي تعمليها رح تعجبك أكتر من الجاهز
    بكفي مكوناتك مضمونة وشغل نضيف
    وتسلمي يا مجود شو مزوئة

    تعقيب كتبت بواسطة ♥أم عبد الله♥ عرض الرد
    ما شاء الله كبة تشهي
    تسلم الأيادي

    جزاك الله خيرا
    ودياتك يارب
    ألف شكر أم عبدالله الغالية

  10. #10
    تاريخ التسجيل
    Jun 2004
    الموقع
    المملكة العربية السعودية
    الردود
    23,185
    الجنس
    أنثى
    ماشاء الله

    تسلم ايديكِ ياعسل

مواضيع مشابهه

  1. **وصفات متميزه**رحلتنا اليـوم غيير شــكل المكـدوس بأنـواعه(الأسبوع الشامي)
    بواسطة ●•°BaSmA°•● في المقبلات والسلطات والشوربات والمشروبات
    الردود: 49
    اخر موضوع: 30-05-2011, 03:42 AM
  2. * وصفة متميزة*طبق شامي سهل ولذيذ ومشاركة بـ (الأسبوع الشامي)
    بواسطة ●•°BaSmA°•● في الأطباق الرئيسة
    الردود: 14
    اخر موضوع: 07-03-2011, 11:56 AM
  3. **وصفات متميزه**شـوربة العـدس وشـوربة الشـعيرية (الأسبوع الشامي)
    بواسطة ●•°BaSmA°•● في المقبلات والسلطات والشوربات والمشروبات
    الردود: 14
    اخر موضوع: 06-03-2011, 02:20 AM
  4. الردود: 14
    اخر موضوع: 25-02-2011, 04:07 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ