*وصفة مصورة *الكبة اللبنية بمناسبة الاسبوع الشامي

**نجمة حلب** · 02-02-2011, 12:49 AM

ماشاء الله الاخوات ما قصروا قدموا اطيب الاكلات
حبيت اقدم اليوم هالاكلة لانها لذيذة كتير ان شاء الله تعجبكن
المقادير
لبن
لحمة موزات
ثوم ونعناع مدقوقين مع بعضهم
ورز مغسول ومصفى
برغل اسمر وهبرة للكبة
اللبنية
بتحطي للبن بيضة وتخفقي عالبارد وهدا السر يلي بخلي اللبن يضل متماسك

بعدين يتحطيه عالنار وبتحركيه باتجاه واحد لحتى يغلي اللبن ويطلع فقاعات
وهون ممكن تضيفي ماء اذا اللبن سميك
وبعدها بضيفي الرز انا بحط لكل كيلو لبن 1فنجان قهوة رز
وبتحركي لحتى يستوي الرز وبعدها منضيف الثوم والنعناع ومكعبات ماجي
واللحمة طبعا بتكون مسلوقة وجاهزة وشوية دهنة مقلية

خلصنا الللبنية رح نعمل الكبة
منفرم البرغل مع الهبرة على مفرمة اللحم
ثم نقطع منه قطع صغار ومنعمل منها كور صغيرة بهالشكل

ولما منخلص منغلي الكور بالماء الساخن وشوية ملح
لمدة 20 دقيقة وبعدها منصفيها ومنتركها لتبرد
وهيك جهوت اكلتنا

والسلام عليكم

**●•°BaSmA°•●** · 02-02-2011, 01:43 AM

تسلم دياتك يا رب
طريقة غريبة شوي بس أكيد طيبة وشهية
ما في أطيب من الكبة

بالنسبة للبن غاليتي أنصحك بوضع بياض البيض فقط لو اضطريتي لاستخدامه باللبن حتى لا يعطي الصفار لون غامق للبن
ويسلم دياتك الحلوة يا رب .