الكشرى الأصفر

2 كوب أرز مصرى

1 كوب عدس

3 كوب شوربة (ممكن ماء وباكو مرقة دجاج فورية أو مكعب ماجى)

بصلة مفرومة

ملحوظة: الأرز دائماً ضعف العدس

اول شئ نخلط الأرز والعدس ونغسلهم كويس

نضع ملعقة سمن فى حلة على النار (ممكن زيت)

ونحمر البصلة ... عايزينها لونها غامق

لما تبقى باللون ده نشيلها على ورق نشاف

ونضيف الشوربة على السمن المتبقى من تحمير البصلة

ونظبط الملح

وأول ما تغلى الشوربة أضيف الأرز والعدس المغسولين

وأسويه زى أى رز عادى

يعنى اسيبه على نار عالية لغاية ما يتشرب الشوربة وبعدين أهدى النار على الآخر لغاية ما يستوى

وعند التقديم

جبت قالب الكيك الصغير وحطيت فيه شوية من البصل المتحمر

وغرفت الكشرى عليه

وبعدين قلبته فى طبق التقديم وقدمته

ومع الليمون المخلل ما أحلاه

و .. زوووووووم

بالعافية على قلوبكم

انا سعيده اني اكون اول وحده ترد عليكي


تسلم ايدك

يا احلى واعز واغلى بيرو


ما شاء الله عليكي الله يعطيكي العافيه


***شهوووده***

تسلم الايادي
طبق بيشهي

تسلم الايادي عل الوصفة الطيبة

بارك الله فيك يا قمر

ننتظر وصفة جديدة

يـــــــــــــسلموووووو شكله لذيذ

طبخه شتويه رائعه الف صحه يا رب

يجنن ماشاء الله
انا بحب الاكله دي جداااااااااااا وياسلام لو معاها بيض مسلوق وبعد السلق يتحمر في زبده ونرش عليه ملح وفلفل ياسلام

تسلم الايادي

انا بحب الاكلة دى جدا انا وزوجى وسلام عليها فى السقعه دى بس ياسلام لو نزيد عليها السلطة الخضراء لزيادة الفائدة