اخواتى الأعزاء أقدم لكن اليوم مقلوبه السمان او الحمام يعنى بتكون حلوه قوى قوى بالحمام لكن مالقيت اشترى حمام فا عملتها بالسمان ( او الفرى ) وبصراحه السمان ماقصر وعمل كل اللى عليه وزياده كمان لان طعمه كان حلو قوى قوى
انا بحب المقلوبه كتير كتير واطفالى بيحبوها خصوصا لما بتكون تحتوى على الخضار لذلك تلاقونى اى شىء يخطر على بالى اقلبو على طول هههههه فى الحله وتبقى مقلوبه طولت عليكم

بضع لكم المقادير فى الصور لكن احينا بنسى اصور شىء من المقادير لكن بيبان فى سياق الطريقه فا عذرا على النسيان
يلا نبدا

بسم الله ماشاء الله

12 حبه سمان
جزر
كوسه
بطاطس
باذنجان
بصله
حبه طماطم
معلقتين صلصه
ثوم
ارز بسمتى
بهارت مشكله - حبه لومى-معلقه من مسحوق (لورا قرنفل حبهان )
جنزبيل بودره- معلقه صغيره قرفه- حبتين حبهان اسود (يمكن الاستغناء عنه )
ملح - فلفل اسود- بردقوش
اربع مكبعبات مرقه دجاج

الطريقه
------------------
اول شىء قشرت راس الثوم كلها وفرمتها فرم ناعم مع قليل من الملح والبردقوش الفلفل الاسود
وبطرف الاصابع دهنت بداخل حبات السمان لا نحشيها فقط دهان بسيط جدا لقلب السمان من الداخل
وبقليل من زيت الزيتون نشوح السمان

كده السمان اتشوح كويس

بعد تشويح السمان تركته على جنب
وبدات اشوح فى زيت الزيتون ايضا شرائح البطاطس والباذنجان
مجرد تشويح لا قلى لتقليل الدهون

والجزر والكوسه لا اقوم بتشويحهم افضلهم هكذا
وكده اصبح الخضار جاهز

نيجى بقى شوحت البصل فى معلقتين سمن

بعدها وضعت ماتبقى من الثوم المفروم سابقا
و البهارت كلها دفعه واحده مع الطماطم بعد ان قطعتها مكعبات مع معلقتين الصلصه

وقلبتها لحد ما بقت كده

بعدها وضعت السمان فى الخلطه دى
وقلبته تقليبه ورفعته من على النار وبشرت على السمان مكعبين من مرقه الدجاج بحيث بشر المكعب يكون على السمان لا يذوب فى الخلطه

تركت السمان على جنب
وسلقت الرز فى مائ مغلى مع مكعبين مرقه مع معلقه سمنه مع حبهان وقرنفل
وبعد ما اتسلق نصف سلقه فقط صفيته بالمصفاه

وبخصوص الرز انا بقالى فتره بستعمل ارز العائله رز بسمتى عنبر ابيض طويل الحبه
ارز رااااااااااائع وريحته توصل لاخر الشارع جدا حلو قى

بعدها جبت الحله
رصيت اول طبقه البطاطس والباذنجان ورشيت رشه ملح وبهار

بعدها رصيت الكوسه والجزر ورشه ملح وبهار

بعدها رصيت السمان على وجهه

ورشيت رشه ملح ووضعت قليل من الخلطه اللى كانت تحت السمان
وترنشات فلفل

وفى المنتصف صبيت نصف كوب ماء ساخن عشان الخضار يعرف يستوى
بعدها صبيت الرز

وصبيت باقى الخلطه على وش الرز

وتركت الحله على نار جدا جدا هاديه حوالى ساعه الا ربع ممكن اقل من كده ممكن نص ساعه لكنى بحب اهدى النار جدا بيكون الاكل واخد راحته اكثر

وبعد كده دى كانت النتيجه شوحت الزبيب فى رشه سمن وزينت بيه الطبق لكن بصراحه الزبيب اتلسع منى شويه

بسم الله ماشاء الله

ارجو يكون الطبق عجبكم
ولا تنسونى بالدعاء بالصحه والعافيه

يسلمو ايديك غاليتي وصحتين وعافية يارب

يعني بصراحة هاد المنظر اخدلي عقلي ههههههه
تسلم ايدك يارب
كل اكلاتك بتعجبني عنجد
لانك فنانة وانيقة كتير بالاكل
انا ما بحب الحمام بس عنجد شهيتيني اكل وادوق
الله يحفظك لبيتك واولادك يارب

ناني سبقتيني هههههههه
بس صحة وهنا انا باكل رز وخضار بس تركتلك الحمام لاني ما بحبه هههههههه

كتبت بواسطة ناني2007

يسلمو ايديك غاليتي وصحتين وعافية يارب

تسلمى حبيبتى على مرورك اللطيف نورتينى

....جميل جدا ماشاء الله تسلم أيديكي يا حبيبه أنا بحب السمان جداااااااا ..يلا إبعتيلي جوزين بقي ..."حلوه جوزين دي"...

كتبت بواسطة مجد الاقصى

يعني بصراحة هاد المنظر اخدلي عقلي ههههههه
تسلم ايدك يارب
كل اكلاتك بتعجبني عنجد
لانك فنانة وانيقة كتير بالاكل
انا ما بحب الحمام بس عنجد شهيتيني اكل وادوق
الله يحفظك لبيتك واولادك يارب

كتبت بواسطة مجد الاقصى

ناني سبقتيني هههههههه
بس صحة وهنا انا باكل رز وخضار بس تركتلك الحمام لاني ما بحبه هههههههه

ههههههههههه سلامه عقلك ياجميل
تسلمى على كلامك واطرائك الجميل ده من بعض ما عندكم ياقمر
بس الحمام جدا حلو طيب اعمليه بالسمان مثل ماانا عملت وعلى فكره فعلا طعم السمان مختلف عن الحمام ده شىء وده شى يعنى ممكن قوى تعجبى بطعم السمان
ونانى على قلبها الطبق بالعافيه

كتبت بواسطة still_here

....جميل جدا ماشاء الله تسلم أيديكي يا حبيبه أنا بحب السمان جداااااااا ..يلا إبعتيلي جوزين بقي ..."حلوه جوزين دي"...

تسلمى ياقمر يلا بقى اعملى الاكله دى طالما بتحبى السمان هتعجبك قوى
ابعتلك بقى الجوزين تعمليها بيهم هههه

كتبت بواسطة حبيبة قلب امها

تسلمى ياقمر يلا بقى اعملى الاكله دى طالما بتحبى السمان هتعجبك قوى
ابعتلك بقى الجوزين تعمليها بيهم هههه

بصي إحنا نعمل رانديفو للفرخه وجوز السمان...ويبقي النظام سلم وإستلم...ههههههههه

بجد ماشاء الله عليكى انا باموت فى المقلوبة بالباذنجان
بس طريقتك دى جديدة عليا و ان شاء الله اجربها فى اقرب وقت