انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 14

الموضوع: عاجل - ارجوكم ساعدوني وردوا على قبل يوم الجمعة

  1. #1
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة

    عاجل - ارجوكم ساعدوني وردوا على قبل يوم الجمعة

    مرحبا اخواتي
    انا بدي مساعدتكم واقتراحاتكم لاني عازمه دار سلفي - اخ زوجي- هو وعيلته يوم الجمعه هذه
    وكمان دار حماي - اب زوجي - والصراحه ما عمري عملت عزومه كبيرة هيك
    ومحتاره شو اطبخ لهم مع اني لا افضل الاسماك والمشاوي لانه دار حماي كبار في السن
    وصعبه الهضم بالنسبه لهم
    انا حابه اطبخ 5-6 اصناف رئيسيه
    وانا حاطه في بالي اعمل كوسا محشي وملوخيه
    هي عرفتوا اكلتين بس اعطوني افكاركم في باقي الاكلات
    وشو اقتراحاتكم للحلويات
    وشكرا

  2. #2
    تاريخ التسجيل
    Oct 2002
    الموقع
    مصر المحروسة
    الردود
    138
    الجنس
    الأخت العزيزة هنلى
    ممكن تعملى مكرونة بالبشاميل ومعاها رقاق باللحمة المفرومة.....ومتنسيش الشربة ....ممكن شربة لسان عصفور او شربة كريمة.
    حاولى يكون عندك نوع خضار على السفرة ....شوفى هما بيحبوا ايه واعمليه
    كمان ممكن تنوعى من المحاشى يعنى اكتر من نوع (كوسا+فلفل اخضر+ ورق عنب+ بادنجان+ طماطم)

    اتمنى انى اكون ساعدتك ......... وان شاء الله تكون عزومة سعيدة
    وبالهنا والشيفا


    سمرا

  3. #3
    تاريخ التسجيل
    Nov 2002
    الموقع
    السعوديه..
    الردود
    765
    الجنس
    اختي هنلي انا اقترح عليك زي ماقالت سمرا انك تسوي مكرونه بالباشميل وكمان لو تسوي بروستد يكون نوع واحد مثلا افخاذ دجاج او اجنحه هيكون كثير مرتب او ممكن فيليه دجاج لانه بيعطي منظر للسفره....وممكن تحطي شوية معجنات .......
    اتمنى اكون قدرت اساعدك

  4. #4
    تاريخ التسجيل
    Sep 2002
    الموقع
    Jordan
    الردود
    2,003
    الجنس
    أنثى
    هنولة بدها مساعدة امال احنا نؤول ايه ....

    طبعا انا خبرتي بالعزايم مش ولا بد... مرتين تلاتة كلهم .. بس في صنف سهل و شكله حلو .. مسخن بس مو بالطريقة العادية خبز مفرود .. لا بيكون ملفوف رولات بخبز شراك اكيد فهمتي علي.. اولا اسهل للاكل و انظف و اخف لانه ما بيتحط فيه الزيت كتير.. و ما بيغلب بالعكس ممكن الحشوه تحضريها قبل بيوم و قبل الغدا بنص ساعة لفي الخبز و حمريه بالفرن ...

    المحاشي انا بعملها بكل عزومة (من كترهم) بس لانها بتتعمل قبل بوقت انا بحب الاكلات اللي ممكن اسويها قبل... موظفة

    من الأفكار التانية معكرونة بالباشميل أو صواني كفتة او غيرها . اهم شي التنويع و انتي ما بيتخاف عليك

  5. #5
    تاريخ التسجيل
    May 2003
    الموقع
    سورية
    الردود
    153
    الجنس
    سبق وكتبت هذا الطبق لااخت تاتي كان عندها عزيمة وراح ارجع اعطيكي ياه وبالااضافة هنلي للكبة بصينية مع اللبن كتير طيبة وسهلة كمان كتبتها بالمنتدى

    راح احاول اشرح لكي ومن جد سهل وكتير شكله حلو

    اول شي رز بالخضار مع الدجاج

    بتطبخي الرز عادي ويكون بسمتي انكه واذا مافي اي نوع رز وفي متل الصبغة يلي بتخليه اصفر بس هيه بدون طعم بس لون

    خلصنا الرز بتجيبي الخضار لحالها طبعا بتسويها الطريقة

    علبة فطر و فلفلة خضرا واحمر واوقات في اصفر وبيزيلاء وبصلة

    بتخمري البصل بالزيت وبعدها بتكوني قطعتي الفليفلة شرائح وبتبقي عم تقلي شوي وبعدا بضيفي البيزيلاء والفطر ومع استمرار بقلي والتحريك

    هيك بيكون خلصنا الخضار ومن قبل خلص الرز

    بتجيبي صدر دجاج بتلتي الدجاج بالبيض والطحين وكعك مدقوق وبتقلي بمقلاة يعني كذا صدر دجاج بتسوي حسب ضيوفك

    الصلصة بالفطر كتير طيبة ودائما اسويها والكل بيحبها الطريقة
    2 ملعقة زبدة 2 ملعقة دقيق وكوب حليب وشوي ملح وبهاء رشة يعني
    بتحطي الزبدة والدقيق مع استمرار بالتحريك شوي بس وانتي بتشوفي وقت بصير متل يتماسك او يغلي فورا بتبعدي عن النار وبتوضعي الحليب شوي شوي انتبهي مهم يكون شوي شوي وبضلك عم تحركي وبعدا بتوضعي على النار مع استمرار بالتحريك واذا شفتيه سميك ضيفي حليب اكتر او اذا العكس دقيق وانتي عم تحركي على نار هادئة حطي الفطر وبعدا شوي وارفعي من على النار ورشي جبنة ميزورلا او عادية تبع البتزا

    هلاء بيكون صار جاهز عنا الرز والخضار والدجاج والصلصة

    كم عدد ضيوفك مثلا 4 بتجيبي لكل وحدة صحن بيكون مسطح وبتجيبي صحن صغير غميق نحن اهل سوريا منقول زبدية وبتوضعي بالقعر شوي خضار وفوق كله بتعبي الصحن الغميق بالرز وبتضغطي وبتقلبي هاد بالصحن المسطح بالجانب وبيكون انتي حطيتي على جنب الصدر الدجاج وبجانب الرز والدجاج الصلصة بييطلع الصحن كتير كتير شكله حلو
    وخاصة الرز متل مقلوبة من فوق خضار وتقدري تحطي مكسارات وتقلي بطاطا مقلية وتسوي فتوش هاد من جد بسرعة بصير

    بس انت هنلي تقدري تسويه بطبق غميق واحد يكون كبير مثل المقلوبة

    وان شاء الله صحة وهنا و بتبيض وشك قدام اهل حماك وعم استنى بعد يوم الجمعة تقوليلي كيف كانت وشو طبختي ايه

    اختك ياسمين

  6. #6
    تاريخ التسجيل
    Apr 2002
    الموقع
    كندا
    الردود
    2,478
    الجنس
    أنثى
    هنلي بيبتي..بدك نصيحتي?? (أكيد ولا لشو جاي)..
    طيب ريحي حالك وإعملي أكلات سريعة لأنك يوم العزومة حتكوني محتاسة خلقة..
    شوفي أنا من كم يوم كان عندي عزيمة ل11 شخص والحمدلله خلصت طبيخ بكير وكنت مرتاحة..
    أولآ أكتبي شو بدك تطبخي.
    ثانيآ أعملي رز لأنه مطلوب من الكل وبيعبي السفرة..<<(وحدة عندها بعد نظر)


    2_أعملي كفة بالطحينية "أنا بجيب الكفتة جاهزة وطازة من عند اللحام يعني بس بفردها بالصينية".
    3_كفتة وعلي الوجه بطاطا مقطعة من الجاهزة في الأكياس +خضار مقطعة وبندورة "قطعيهم قبل بيوم"
    4-ملوخية ورق أو مفرومة "أنا بستعمل الناشفة المفروكة يعني علي السريع وقشري الثوم كمان قبل بليلة"
    5_سلطة خضروات سريعة
    6_كوسا محشي "فرغي حبات الكوسا قبل بيوم علشان أسرع
    7_أنصاف فلفل أخضر محشية (قلي بصل مفروم ناعم بعدين أضيفي لحمة مفرومة وأطبخيهم بعدين رشة زعتر ناشف + 2 م سماق +بهارات ....بعدين أقسمي كل حبة فلفل أخضر حلو بالنصف وأنزعي البذور والحفف وبعدين بالشوكة غزي كل نصف مرتين بسرعة وأحشيهم باللحمة وعلي وجه كل حبة فلفل غطيها بشريحة بندورة مدورة ورقيقة..صفيهم بالصينية وغطيهم بكوبين ماء مخلوط مع معجون الطماطم وحطيهم بالفرن لمدة 40 دقيقة...يمممي)

    أنا عادتآ ببعد يوم العزومة عن ورق العنب لأنه بياخد وقت والبنات بيخلوا المهمة أصعب..وممكن تشتري شوية فطاير جاهزة علشان إتريحي راسك.

    والله يسهل عليك اليوم..وإذا بدك مساعدة نادي علينا

  7. #7
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    والله انا دايما بقول انتوا زي خواتي واكثر
    وعنجد انا استفدت منكم كثير
    ورح اسوي زي ما حكيتولي
    وشكرا للجميع

  8. #8
    تاريخ التسجيل
    Mar 2002
    الموقع
    أمريكا
    الردود
    1,398
    الجنس
    أهلا بكل الحبايب إلي هون

    خليني أغششك ياهنلي وأقلك أنا شو راح أعمل بعزومتي يوم الخميس ( قبلك بيوم ، يعني شدي حيلك )

    راح أعمل برياني بالدجاج + لزانيا + شيشبرك + ورق عنب + ملفوف + كبة مقلية + ساندويشات شرائح ستيك بالبصل والمشروم والفليفلة بخبز التورتيلا المكسيكي مشوي بالشواية + سلطة
    طبعا معجنات الشيشبرك والكبة بكون مجهزاهم ومفرزاهم قبل بوقت
    وورق العنب والملفوف بيكوني جاهزين وملفوفين بالثلاجة وحشوة الساندويشات بتكوني مجهزاهم قبل بيوم

    والحلو جهزت ترماسو وشيز كيك بالشكولاتة وفرزتهم لوقت العزومة

    وفي البداية راح أضيف مع القهوة عملت بسكويت بحجم صغير ( قد بصمة أصبعك )
    مع تمر وكرات جوز الهند الملونة

    الله يعينك ويعيني يا هنلي ويقوينا

  9. #9
    تاريخ التسجيل
    Feb 2003
    الموقع
    في ربوع حدائق لكِ
    الردود
    559
    الجنس
    أنثى
    هنلي كان ودي اضيف ...

    بس ماشاءالله الاخوات الرائعات ماقصروا معك... الله يعيطيك العافيه يارب

    وان شاءالله توفقين بعزيمتك ...

    وكمان سينو يارب يوفقك بعزيمتك ....

    وان شاءالله توافونا بالاخبار الممتعه عن العزيمه ....

  10. #10
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة
    كنت بدي أعملك سفرة... طلعوا الكل سابقيني، خلص خليني لوقت عوزة ثانية


مواضيع مشابهه

  1. عاااااجل عاجل عاجل ساعدوني ارجوكم يا بنات
    بواسطة الغربة81 في الحمل والولادة و الرضاعة
    الردود: 12
    اخر موضوع: 12-10-2008, 09:33 PM
  2. عاجل ’ساعدوني ارجوكم.
    بواسطة levenita في نافذة إجتماعية
    الردود: 2
    اخر موضوع: 16-01-2008, 06:11 AM
  3. ساعدوني بليز عاجل جدا جدا ارجوكم
    بواسطة منطقية ولكن في الديكور الداخلي والخارجي
    الردود: 4
    اخر موضوع: 01-11-2007, 10:46 PM
  4. ارجوكم اريد حل عاجل ساعدونى
    بواسطة om dania في الحمل والولادة و الرضاعة
    الردود: 7
    اخر موضوع: 05-05-2007, 01:26 PM
  5. نداء عاجل لاهل جدة الحلوين ساعدوني ارجوكم!!
    بواسطة &أطيب الأمنيات& في السياحة والسفر
    الردود: 11
    اخر موضوع: 13-04-2006, 04:02 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ