السلام عليكم ورحمه الله وبركاته

انهارده اكلتنا الفته المصرى

واعتقد مختلفه كتير عن اى فته تانيه بس سهله اووى وحلوة كتير
وطبعا بنعملها مع العيد الكبير
كل سنه وانتم جميعا بخير يا رب

الفته 3 مكونات

طبقه العيش
والارز
والصلصه
وطبعا مع اللحمه المسلوقه

الطريقه

اولا الارز عباره عن ارز مصرى
مشوح مع معلقه سمن ويسقى بالشوربه او الماء حتى يستوى تماما

اللحمه المسلوقه

طبعا لحمه عاديه اى نوع مقطعه
قطع متوسطه ونسلقها مع جزر
وبصل وملح وفلفل وورق لورا
وحبهان ومستكه عادى خالص

الصلصه بالخل والتوم
عباره عن
نحمر التوم مه شويه زيت حتى يحمر ننزل عليه بالخل وبعدين الطماطم المعصورة وملح وفلفل وكمون ونسيبها حتى تتسبك كويس

العيش

وله طريقتين

اما عيش ناشف ونحط عليه شويه
ملح وفلفل وورق لورا وحبهان ونسقييه بالشوربه الساخنه حتى يدبل قليلا

واما عيش طرى يشوح مع قليل من السمن ونفس التوابل لغايه ما ينشف قليلا ثم يسقى بالشوربه
بنفس الطريقه

ترتيب الطبق

احط الاول العيش واشربه بالشوربه الساخنه كويس
وشويه صلصه
وبعدين احط الارز وعليه الصلصه
كتير وبعدين فى الاخر قطع اللحمه
على الوش

ده شكل العيش بعد ما شوحته شويه

وده لما حطيت عليه الشوربه الساخنه

وهنا لما اتشرب كويس وطرى

وهنا حطيت الارز

وهنا الصلصه مع اللحمه

وصوره كمان

اتمنى تعجبكم وسلام عليكم

ممممم تسلم ايديك

سلم ايديك وبالهنا والشفا

تسلموا حبايبى نورتوا

تسلم ايديكى ياقمر
وبالهنا والشفا عليكى
مش هاخد طبق







اصلى عاملة دايت
اهئ اهئ اهئ اهئ اهئ

تسلمي يا غالية على الوصفة الحلوة

صحة وهنا عليكم

فعلا الفتة المصرية مختلفة عن الفتة الشامية والفتة الفلسطينية

لها مذاق خاص بها

سلمت يمناك
وصحتين وعافية

روووووووووووووووعه جزاك الله خييير

شكرا يا قمرات نورتونى جميعا
اسومه ليه كده بسسسسسسسس حد يعمل دايت هههههههه
لا بجد ربنا معاك

يسلموا ايديكي
صحتين وهنا