السلام عليكم ورحمه الله وبركاته
اللحمه البارده
طبعا غنيه عن التعريف ولايخلو اى بوفييه او عزومه شيك منها
لانها تعتبر من الاكلات السهله
والى بيبقى شكلها حلو اووى
فى التقديم وكمان بيبقى عددها
ممكن يكفى ناس كتير
المقادير
عرق فلتو وزنه من كيلو الى اتنين
2 بصله مقطعه شرائح
حوالى 7 فصوص ثوم سلام
1 جزرة مقطعه
ا طماطمايه مقطعه
1 فلفل مقطع
التوابل
ملح وفلفل وبهارات وورق لورا وحبهان وقرنفل وقرفه بسيط
الطريقه
هى سهله اووى وانا هكتب
كل الملاحظات الى تخليها ناجحه معاكى باللون الاحمر علشان
تبقى باينه وواضحه
اولا هنجيب البصل والثوم والجزر والفلفل والتوابل كلها وندعك بيه العرق ونسيبه شويه حوالى نصف ساعه
ده شكل العرق قبل ما نعمل فييه
حاجه
هنحط عليها الخلطه ونسيبه شويه
وبعدين نجيب خيط يكون تقيل شويه ونربطه بيه كويس
وبعدين وده اهم نقطه هنحضر طاسه كبيره ونحط فيها شويه زيت
اما يسخنوا كويس نحمر العرق على كل الاجناب كويس اووى
والخطوة ده بتخلينا نحبس السوائل جوه والعرق يبى طرى بعد السوا
لانه احتفظ بكل سوائله كاننا قفلنا مسامه بالضبط
وبعدين فى نفس الطاسه هنرجع التتبيله البصل وباقى المكونات
ونشوحها مكان العرق شويه
وبعدين نرجع العرق معاها ونضيف
عليه مايه تكفييه ونتركه على نار
متوسطه حتى السوا
وده شكله بعد السوا
نقطه مهمه اوووووووى ازاى تعرفى انه استوى لما تغرزى سكينه فييه
اولا تدخل بسهوله
وثانيا مينزلش مكان السكينه اى دم
او سوائل خالص ده معناه انه استوى كويس
وكمان النقطه المهمه اووووووى
انه مش لازم يتقطع خااااااااااااالص
وهو سخن لازم تسبييه يبرد براحته
وبعدين يتقطع لانك لو قطعتييه
وهو سخن ببساطه هتنزل كل السواءل الى حبسناها بالداخل
وهيبقى اللحم ناشف خالص
ومش حلووووو
النقطه برده المهمه السكينه لازم تكون
حاميه علشان يتقطع ترنشات رفيعه
وميتهريش
وده شكله بعد التقطيع
وده صورة كمان
وده صورة وعليه الصوص
ملحوظه الصوص ده عباره عن ناتج التسويه
الى هو خلاصه اللحمه مع الخضروات
الى حطناها معاها ضربناه بالخلاط
وطبعا طعمه تحفه ونفس صوص
الدمى جلاس لانه نفس الفكره
اتمنى يكون عجبكم وتجربوه
وسلام عليكم
الروابط المفضلة