المقادير كيس بامية

ربع كيلو لحمة مفرومة .. ممكن تزودى براحتك

خمس فصوص ثوم

بصلة متوسطة مفرومة ناعم

عصير طماطم فريش حوالى لتر

ملعقتين معجون طماطم

كمون كسبرة ملح فلفل بهارات

نحط الحلة على النار
نضيف اربع ملاعق زيت
عاوزين تستخدموا سمنه براحتكم بس انا لقيت ان الزيوت افضل

يعنى افضلهم زيت الزيتون يليه الذرة و العباد

المهم
نسخن الزيت و نضيف البصلة
نقلبها شوية و نضيف المفروم
و نقلبة لغاية ما لونه يغير
نضيف التوم ونقلبه حبه كمان
و نضيف نص ملعقة كبيرة كسبرة
مع ملعقة صغيرة كمون
وملح و رشة فلفل و نص ملعقة بهارات

و نقلب كل دا خمس دقايق

لو عندنا فلفل رومى نضيف بردو

كان عندى فلفل الوان ضيفته مع واحدة فلفل رومى

ونضيف البامية ونقلب حبة

بنضيف ملعقتين معجون طماطم مع عصير طماطم فريش حوالى 4 اكواب

ممكن كمان نزود كوباية شوربة عشان الطعم لو عندك او تضيفى واحدة ماجى او تستغنى عنها براحتك

بنسيبهم يغلوا مع بعض ربع ساعة على نار متوسطة و بعدين نهدى النار و نسيبها تتسبك كمان تلت ساعة تقريبا

تقدم بجانب الارز الابيض بتبقى تحفة

تسلم الايادي على الوصفة الطيبة

بامية باللحم المفروم طريقة جديدة

صحة وهنا

سلمت يدااك

تسلم الايادي على الوصفه الرائعه

طريقة جديدة للبامية

سلمت يمناك
وصحتين وعافية

يا سلالالالالالالالالالالام على البامية انا بعملها وبموت فيها ويا سلام لو كلتيها تانى يوم تحفة سلم ايديكى

تسلم ايديكى يا قمر
وصفه جديده و جميله حبيبتى
بارك الله فيكى

تسلم ايدك ياريت دايما تطبخي لأولادك خضار وتعوديهم عليه من صغرهم
أنا فكرت في موضوع الخضار والأكل بالطماطم عموما لأني لقيت ان في ناس مش بتحب الأطباق دي مع انها مهمة جدا
بس انصحك الطبخ بالسمنة أو الزبدة لأنهم أفيد للأطفال (للعظام والأسنان ) المهم ما تكنش زبدة نباتي ولا سمنة نباتي
وطبعا في فوائد اخرى حابعت لك رابط موقع في رسالة مكتوب فيه فوائد الزبدة والسمنة الطبيعية

شكرا للمشاركة

تسلم ايدك على الباميه الجميله
شكلها يجنن
بالف هنا يارب