السلام عليكم يا اجمل
واشطر ستات
وكل سنه وانتم بخير
ورمضان كريم اعاده الله علينا
بالخير واليمن والبركات
انهارده اكلتنا المسخن الفلسطينى
وهى اكله دسمه ولذيذه وسهله كمان
بيعملوها فى فلسطين وفى الاردن
فى المناسبات وطبعا رمضان اكيد
لانها بتبقى كميه وتكفى عدد كويس من الناس
واعذرونى ممكن تكون فيها حاجات مش زى الوصفه الاساسيه بس منتظرة تعليقات الاخوات
الفلسطينيات
وطبعا مش هعملها زيهم
المقادير
دجاج مقطع على اربعه
حسب العدد طبعا الى احنا عاوزينه
انا عملت فرخه واحده
كميت بصل حوالى كيلو للفرخه الواحده
يعنى طبعا نسبه وتناسب لو عملتى امتر زودى البصل
حوالى 4 ملاعق كبيره سماق
وده الى بيميز اكلتنا انهارده
ملح وفلفل وبهارات
عصير ليمونتين
زيت ذره او سمن حسب الرغبه
عيش شامى
او عيش فلاحى
او ممكن طبعا تعملى انتى دوائر بعجينه العشر دقائق وتستعمليها
الطريقه
هنقطع البصل جوانح ونتبله
بالتوابل كلها مع السماق واليمونتين
وناخد منه جزء بسيط نتبل بيه الفراخ ونحطها فى صينيه لوحدها وتترك شويه فى التتبيله
وباقى البصل يوضع حتى يدبل على النار
بس لونه مش يتغير مع قلييل من الزيت او السمن
بالشكل ده
ده شكل البصل
وده شكل الفراخ
وبعدين هنجيب ارغفه العيش الى مجهزنها ونحط عليها
شويه زيت او سمن صغيرين ونفرد عليها شويه من البصل الى دبلناهم على النار
كده
وهنا لما خلصت كل كميه العيش
ودخلتهم الفرن ثوانى بحيث العيش يتشرب شويه بس من غير ما ينشف
طبعا نكوس حطينا صينيه الفراخ وسويناها كويس
وبعدين نطلعها ونرص الفراخ على العيش فى سرفيس كبير
وهى ده طريقه التقديم المعتاده للطبق ده
وندخلهم الفرن تانى لثوانى فقط حتى يسخن العيش مع الفراخ ونقدمهم
بالهنا والشفا وصدقونى طعمه روووووووووووعه
ووجبه متكامله
المسخن الفلسطينى اكله الولائم الرووعه من مطبخى وبالصور اكيد
رد مع الاستدلال
.
الروابط المفضلة