انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 5 12345 الأخيرالأخير
عرض النتائج 1 الى 10 من 45

ا-*وصفات مصورة*تفضلوا معانا فطارى فى رمضان خفيف ولذيذ

(الأطباق الرئيسة - منتديات لكِ النسائية - الأرشيف)
...
  1. #1
    nijar's صورة
    nijar غير متواجد عضو نشيط
    تاريخ التسجيل
    Feb 2007
    الموقع
    مصر ام الدنيا
    الردود
    400
    الجنس
    أنثى

    Wasm ا-*وصفات مصورة*تفضلوا معانا فطارى فى رمضان خفيف ولذيذ

    السلام عليكم ورحمة الله وبركاته



    ازيكو يا احلى عضوات وكل سنه وانتم طيبين
    الحقيقة دى اول مرة اشارك فيها بموضوع مصور خاص بى لان ما كانش عندى كاميرا قبل كده
    المهم جيت لكو بفطورنا كنت عاملاه من يومين خفيف وما بياخدتش وقت (بس على ما اتعلمت احمل الصور اتاخرت) واخواتى حبايبى كانو عندنا
    وعجبهم اوى قلت لااااااازم ادوكم اكلى ويارب يعجبكو

    عملت ايه طاجن فريك باللحمة المفرومه و صينية بطاطس محشية لحمة مفرومة و فراخ مسلوقه ومحمرة وصينية رقاق باللحمة وطبعا مع اهم حاجه على سفرة رمضان الشوربة (لسان عصفور) وطبق السلطة اللذيذ



    اولا طاجن الفريك باللحمة المفرومة

    كوباية ونص فريك مغسول ومنقوع ساعة
    3 كوب شوربه (مرق)
    بصلة كبيرة مقطعة صغير جدا
    3 معالق صلصة طماطم مركزة
    فصين توم مهروس
    مقدار مناسب من اللحمة المفرومة
    معلقتين سمنة( بس الاحسن يكون معلقة سمنه ومعلقتين زيت بيكون مفلفل وتحفة)
    ملح وفلفل




    نجيب الطاجن ونحطه على النار (وطبعا تحته شياطة ) ونحط السمنه ولما تسخن نحط البصل المفروم لما يدبل ويغير لونه وبعدين نحط التوم المهروس ولما تطلع ريحته نحط اللحمة المفرومه ونشوح


    وبعدين نحط الصلصة

    والمرقه ونتبله ملح وفلفل اسود ولما يغلى كويس نصفى الفريك ونحطه نقلبه مرة


    نسيبه على النار لما يغلى دقيقة كده نحطه فى الفرن من غير ما نقلبه ولو عاوزة تسويه على النار من فوق بتهدى عليه النار خالص بعد ما يغلى وبيقعد حوالى ساعه ونص او اكتر لانه بياخد وقت



    وبنقدمه سخن وبالهنا والشفا



    تانى طبق
    صينية البطاطس المحشية لحمه مفرومه

    1 كيلو بطاطس حجم صغير
    بصله كبيرة او 2 متوسطين
    ربع كيلو لحمة مفرومة
    4-5 معالق صلصة طماطم مركزه هنقسمهم
    شوية بقدونس مفروم حوالى معلقتين
    سمنة ملح فلفل

    هنجيب البطاطس نقشرها ونغسلها وبعدين نقورها كويس بعمق يناسب حجمها (واوعو ترمو التقوير )نغسلها تانى ونصفيها كويس نحط البطاطس لوحدها


    وقلبها اللى نتج عن التقوير فى طبق تانى


    نعمل العصاج >>> نشوح البصل فى السمنه ونحط اللحمه وبعدين معلقتين صلصه وشوية ميه صغيره ونسيبه وبعد ما يستوى نحط رشة البقدونس المفروم

    بيخليها تحفة



    نجيب الصينية اللى هنعمل فيها على النار (وبيكون حجمها على قد البطاطس مرصوصه)
    نحط معلقة سمنه لما تسخن نحط البطاطس ونشوحها لما يتغير لونها دهبى غامق


    ونشيلها فى طبق
    نحط قلب البطاطس (التقوير) فى نفس الصينيه ونشوحها برضه كويس اوى ونسيبها فى الصينية فرشة للبطاطس ونشيلها من على النار

    نرص البطاطس فتحتها لفوق ونحشيعا بالعصاج اللى عملناه


    ونضغط عليها كويس ونملاها لو بقى عصاج نحطه على الوش عادى



    لما نخلص نجيب 2 كوب شوربة ونحط عليهم معلقتين الصلصة الباقية وملح وفلفل اسودونحطها على البطاطس(بس من جنب الصينية عشان ما تطردش الحشو )


    ونحطها على نار هاديه ونحمر وشها فى الفرن (او نسويها فى الفرن زى ما تحبى)



    تالت طبق صينية الرقاق باللحمة المفرومه

    وده عادى نجيب صينية مدهونة سمنه و نسخن الشوربه ونحط ورقة رقاق لما تطرى شويه نصفيها على المعلقة ونحطها فى الصينية وندهنها سمنه


    ونكرر 4 طبقات او خمسه حسب سماكة الرقاق وبعدين نحط الحشو(العصاج العادى)



    ونرجع نكرر نفس عدد طبقات الرقاق
    (اقولكو على سر طعم الرقاق الجميل >>>باحط مقدار السمنه اللى بدهن بيها طبقات الرقاق مع العصاج (بعصج بيها) وبعدين بصفى منها العصاج كويس بعد ما يستوى واحطها فى طبق واهن بيها بيدى طعم العصاج فى كل الرقاق)

    وعلى الفرن علطول



    رابع طبق (واهمهم لانى بحبه اويييييي) الفراخ

    فراخ مسلوقه عادى واقطعها واتبلها قبل التحمير بساعتين بخليط من صلصه طماطم ولمونه وملح وفلفل اسود \


    واحطها فى التلاجه ومنها على شواية الفرن علطول

    وقدمت الاكل مع طبق الشوربة وطبق السلطه الخضرا الاصيييل

    وده جانب من السفره ولو انها بعد ما اكلنا لانى نسيت اصور السفرة واختى كانت منظماها بطريقة تحفة

    آخر مرة عدل بواسطة لالي لافندر : 20-08-2010 في 12:30 PM السبب: اضافة شعار وتعديل الصور

  2. #2
    درعمية غير متواجد عضو جديد
    تاريخ التسجيل
    Aug 2010
    الردود
    26
    الجنس
    أنثى
    تسلم ايديكي

  3. #3
    queen latifa's صورة
    queen latifa غير متواجد عضو نشيط
    تاريخ التسجيل
    Jul 2010
    الموقع
    edinburgh
    الردود
    192
    الجنس
    أنثى
    حلو اوى اوى ربنا يحفظك

  4. #4
    مى مودى ميزو غير متواجد النجم البرونزي
    تاريخ التسجيل
    Apr 2009
    الردود
    550
    الجنس
    امرأة
    ما شاء الله عليكى الاكل كله جميل و جوعتينا يا قمر
    تسلم الايادى و يارب يحرمها على النار

  5. #5
    إكليل الزهــور's صورة
    إكليل الزهــور غير متواجد النجم الفضي
    تاريخ التسجيل
    May 2009
    الردود
    2,829
    الجنس
    أنثى
    ماشاء الله يسلموو ايديكي
    والف هنا عالافطار
    وكل عام وانتي بخير

  6. #6
    اريناس's صورة
    اريناس غير متواجد متميزة صيفنا إبداع 1431هـ
    تاريخ التسجيل
    Apr 2009
    الموقع
    استعفر الله لي ولكم واتوب اليه وان يوفقني وياكم الي ما فيه الخير والصلاح ------
    الردود
    5,671
    الجنس
    امرأة
    صحه وهناء عليك

  7. #7
    ام ليديا's صورة
    ام ليديا غير متواجد النجم البرونزي
    تاريخ التسجيل
    Mar 2010
    الموقع
    في الدنيا
    الردود
    914
    الجنس
    امرأة
    بجنن
    بمعنى الكلمة
    رهيب جداااااااااااااااااااااااااااااا
    مبدعة

  8. #8
    اريج بن احمد غير متواجد عضو جديد
    تاريخ التسجيل
    Jan 2010
    الردود
    27
    الجنس
    أنثى
    لالالالالالالالالالالالالالالا بجد رررررررررروعه

  9. #9
    huda... غير متواجد عضو جديد
    تاريخ التسجيل
    Aug 2010
    الردود
    25
    الجنس
    أنثى
    يسلمووو

  10. #10
    أفاميا's صورة
    أفاميا غير متواجد عضو نشيط
    تاريخ التسجيل
    Jul 2008
    الموقع
    أمس في سورية و اليوم في أحضــــــــــ لك ـــان
    الردود
    150
    الجنس
    امرأة
    ما شاء الله

    مبدعة

    ..


مواضيع مشابهه

  1. الردود: 43
    اخر موضوع: 23-08-2011, 05:03 AM
  2. رمضان معانا خفيف من غير زيوت وشحوم شاركوني أطباقكم "قليلة السعرات"
    بواسطة أم مــــالــــك في الأطباق الرئيسة
    الردود: 50
    اخر موضوع: 12-12-2009, 09:33 AM
  3. حلا خفيف ولذيذ
    بواسطة قلب زوجي وحبيبي في الحلويات والكب كيك والكيك وحلويات العيد
    الردود: 17
    اخر موضوع: 30-12-2007, 08:16 PM
  4. حلى خفيف ولذيذ
    بواسطة الغزالةالعارضيه في الحلويات والكب كيك والكيك وحلويات العيد
    الردود: 5
    اخر موضوع: 05-09-2006, 11:36 AM
  5. خفيف ولذيذ !!!!
    بواسطة السلفية في المعجنات والسندويشات والفطائر والخبز
    الردود: 7
    اخر موضوع: 17-02-2002, 08:34 PM

أعضاء قرؤوا هذا الموضوع: 1

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96