*وصفة متميزه*رابع طبخة من طبخاتي للمرضعات صينية الكفة بالباذنجان
بسم الله الرحمن الرحيم
السلام عليكم ورحمة الله وبركاته
اليوم رح اقدملكم
رابع طبخة من طبخاتي للمرضعات
وهي
صينية الكفتة بالباتنجان
وهي الها قصة
هذا يا جماعة ماما وبابا سافرو عقبال عنكو يشمو هوا الله يهنيهم
واحنا ضلينا في الدار على قولة اخي وباقي الاخوان ناكل هوا
وماما كاينة موصيتيني الوصايا العشر من ضمنها اروح اشق على الدار وادير بالي عليها فكنت تقريبا كل يومين اروح امسح غبرتها واحط غسيل اخواني
فبيوم اخوي بعتلي مسج بتقول
يعني انتي مقتولة بس على ها الغسيل ما تشوفي ها البني آدم اللي في الدار جوعان مش جوعان انا شو بدي بالغسيل
ان شاء الله بتفرميلي حبة بندورة بدي آكل انا زهقتتتتتتتتت
حبيبي........... قلبي وجعني عليه قلتله حياك الله شو بدك؟
وبلش يتشرط يا حبيبي
جاج محشي
يخنية بطاطا
صينية كفتة
ملوخية
وليييييييييييييي لالا نقي شغلة وحدة بس
واتفقنا على صينية كفتة بالباتنجان وهيك صار
ياللا نبلش
نفرم شوية بصل وبطاطا دوائر وانصاف دوائر وبندورة
ونقلي شوية باتنجان
نمد الباتنجان بقاع الصينية وفوقه الكفتة المتبلة
بصل وبقدونس وسن تومة
زي ما تحبي تبليها
وهلاء نبلش اللعب بالديكور
البطاطا على الداير
وبالنص البصل المشرح دوائر
وبس نخلص رتيب نزيدها شوية مية وملح
ونلفها بالقصدير وبالفرن لمدة ساعة على نار هادية من بعد ما تغلى
وبنص الوقت نفقد عليها ونشوف اذا استوت
وفعلا هيك صار كشفت القصدير وترتها تغلي كمان 5 دقايق لتنشف المية الزيتدة اذا كان في زييادة واذا لاءا على الشوي مباشرة
ونسكب والف صحة وهنا
هذا صحني
ممممممممم
ههههههههههههه اخي اكل من الصينية مش فاضي يتأنتك جوعان الصبي تواخذوهوش
والف صحة وهنا
تحياتي واحتراماتي
الماسة
ام سوسو ولولو
وعبد الله اللي اجى على الطريق
وبدكو الصراحة مخمخ على الحليبات يومها
وربي يرضى عليكو جميعا
رد مع الاستدلال
الروابط المفضلة