كوسه محشيه لحمه مفرومه وصينيه فراخ من ايد مامتى ربنا يخليها بالصور طبعا
السلام عليكم ورحمه الله وبركاته
ازيكم يا اجمل سيدات
رمضان كريم علينا جميعا
كل سنه وانتم طيبين
انهارده كنت عند ماما وعملنا اكله حلوة
جدا وسهله كمان
وهى الكوسه المحشيه باللحمه المفرومه
وقلت انزلهلكم علشان تجربوها هتعجبكم
ان شاء الله
وعملنا جنبها صينيه فراخ بالبصل والفلفل تحفه وسهله جدا والطعم وااوو
مش هقولكم خطير بجد
المقادير
2 كيلو كوسه متوسطه الحجم
نصف كيلو لحمه مفرومه
معصجه مع بصل وتوابل
للتغطيه طماطم مع ثومه
بنحمر التوم وبعد ما يصفر نضيف عصير الطماطم والملح والفلفل
وبسسسس
الفراخ
فراخ حسب الرغبه
بصل مقطع
فلفل حلقات طماطمايه مقطعه
ملح فلفل بهارات ورق لورا حبهان
واى توابل بتفضليها
الطريقه
الكوسه بنقورها كويس
وبعدين تحمر فى زيت قليل
لغايه ما تتبدل بس
وبعدين نحشيها باللحمه المفرومه
ونرصضها فى الصينيه
ونرش عليها صوص الطماطم وعلى الفرن علطول
الفراخ طبعا هنحط كله على بعضه
وتوضع فى الفرن بردوا
واسيبكم دلوقتى مع الصور
ده الكوسه بعد ما اتقورت وشرشرناها
بالمقوار المشرشر
وده الفراخ بعد التتبيل
وده شكل الكوسه بعد الحشو
وحطينا عليها الصوص
وده بعد الفراخ ما استوت وطلعت من الفرن
وهنا الكوسه بعد السوا
شايفين شكلها حلو ازاى
وده صورة كمان قريبه
ها ايه رايكم يا رب تكون عجبتكم
ان شاء الله
</B></I>
رد مع الاستدلال
الروابط المفضلة