اخواتى فى منتدى لكى كل عام وانتم بخير مبارك عليكم الشهر الفضيل وربنا يتممه علينا بالخير ان شاء الله . كان ليا سؤال ضرورى لانى ناوية اجهز اكل رمضان فى الفريزر . ولادى بيحبوا الشيش طاووق والكفته والكنتاكى فكنت عايزة اسالكوا ينفع افرزهم ولا ما ينفعش و لو يتفرزوا افرزهم ازاى يعنى اضيف عليهم خلطتهم وبعدين احطهم فى الاسياخ ( اقصد الكفتة والطاووق) وبعدين على الفريزر وبالنسبة للكنتاكى اتبلها واغلفها بالبيض والكورن فلكس وعلى الفريزر ولا ماينفعش . يا ريت تفيدونى بسرعة لانى محتاجة خبرتكم فى التفريز واللى تقدر تجيب لى ملفات التفريز اكون شاكرة ليها بس ما تنسوش تجاوبوا سؤالى

معليش يا جماعة سؤال كمان ينفع افرز المكرونة الباشاميل هى والمسقعة بعد عمايلها ولا لا

http://www.lakii.com/vb/showthread.php?t=577801
ده ملف اختنا نور الهدى انا حفظاه عندى م السنه اللى فاتت كمرجع ليا كان فيه الفراخ والبانيه والخضروات وان شاء الله حد يفيدك ف موضوع المكرونه انا كنت بفرزها لجوزى ساعت مسافر وبيسخنها ف الميكويف وقت مياكلها بس معرفش الحقيقه كان طعمها بيكون ايه

كل سنه و انت طيبه حبيبتى
بالنسبه للكفته فرزيها بعد نضجها حبيبتى
اتركيها تبرد و ضعيها فى علب او اطباق فوم و غطيها جيدا
اهم شىء حبيبتى اغلقى كل صنف فى الكيس كويس
طعمها بيكون رائع و بتفك بسرعه بمجرد وضعها فى الفرن تسخن

كذلك حبيبتى الشيش طاووق ممكن تفريزه ناضج و ممكن مجهز
لكن لو وضعتى بصل و فلفل و طماطم بين الفراخ ستذبل عند التفريز

بالنسبه للكنتاكى ممكن تفريزه بعد وضع البيض و البقسماط مثل البانيه
لكنى احرصى حبيبتى على عدم تلاصق القطع حتى تحافظ على شكلها

فعلا حبيبتى المكرونه بالبشاميل يمكن تفريزها ناضجه
لكن احرصى عزيزتى على عمل الاطباق الطازجه افيد و اصح ولا تفرزى الا للضروره و المفاجأت

انتظرى غاليتى قريبا مشرفتنا الحبيبه حنان ستضع نصائح للتفريز و تجهيزات الشهر الفضيل
تابعى معنا و ان شاء الله تستفيدى