مين مبيحبش المكرونة
مفيششششششششششش
انا بعمل المكرونة وبعمل معاها حاجات كتير جبت النهاردة 3 اصناف
المكرونة مع الكفتة
المكرونة بالصلصة الحمرا طريقتها معروفة اما الكفتة
بجيب اللحمة المفرومة مع بصلتين ( لما البصل يبقى كتير بتبقى طعمها حلو)
وافرمى البصل كويس جدا فى الكبة وشوية بقدونس وتوابل(ملح فلفل كمون زنجبيل رشة كركم بهارات)
وقلبى وصبعى وحطى فى حلة تيفال ووطى النار خالص هى هتنزل مية وتشربها
ولما المية تنشف وتستوى الكفتة سبيها شوية فى الحلة تاخد لون من جميع الاتجاهات ثم طفى عليها وقدميها
المكرونة مع اللحمة المشوحة
هاتى اللحمة مكعبات صغيرة وحطى عليها توابل ( مثل ما سبق) وحوالى كوب ماء وحطيها على النار ووطى النار خالص وسبيها تستوى براحتها
المكرونة مع البانيه
بجيب البانيه وبتبله ببصلة صغيرة مبشورة ناعم وتوابل مثل السابق وشوية خل واسيبها شوية وبعدين بحطها فى الدقيق ثم بيض ولبن( بيضة مخفوقة مع شوية لبن) ثم بقسماط ثم تحمر فى زيت غزير
ايه رأيكم
الروابط المفضلة