اخواتي احب ان اقدم لكم اكله شعبيه
ومشهوره جدا في ليبيا ولها عدة طرق
فافي جنوب ليبيا ومدينة مصراته
يسمى فتات وفي
غربها تسمي فطيره وهي عباره عن
فطير مسقى او مغطى بالطبيخ او المرق واللحم
والحمص
وتتغير طريقتها حسب المكان
هيا نبداء في

اناعملت مقدار لخمس
اشخاص عزيمه
لحم
بصل
بطاطا
طماطم صلصه
زيت بهار ملح
فلفل احمر
بزار وهوالكاري
حمص
دقيق
ماء للعجن
فلفل اخضر

اولا نسكب الزيت في الطنجره ونقطع
بصله متوسطه ونقليها في الزيت حتى تتحمر قليل

ثم نضع اللحم ونقلبه حتى يصبح اشقر اللون

ثم نضع ملعقتين صلصلة طماطم

ثم نضع البزار الكاري والملح

والبهار في ليبيا يسمى حرارات ثم الفلفل الاحمر

ونقلبهم لمدة عشر دقائق تقليب مستمر

ونصب الماء الساخن

ونغطيها ونتركها تنضج حسب نوع اللحم

هنا نحضر طنجرة البخار وتسمى
عندنا كسكاس ونضع فيها الحمص
من تحت والبصل المقطع جوانح فوقه

ونرش عليهم قليل من الملح ثم نتركها على النار حتى يذبل البصل

بعد ان ينضج نسكبه في طنجره اخرى

وتكون الطبيخه او المرقه نضجت
ناخذ منها مغرفه ونسكبها على البصل والحمص

ثم نضع عليها ملعقه بهار

وملعقه قرفه

ونخلطهم ونضعهم على نار خفيفه لمدة ربع ساعه

يتبع

بسم الله الرحمن الرحيم
نكمل باقي الطريقه
والان نبداء في عمل الفطير
اولا نعجن عجينه متوسطة الليونه
عباره عن دقيق وماء وملح
نتركها لترتاح قليل


ندهنها بالزيت ثم نقطعها كور صغيره



هكذا ونتركها ترتاح




نخلط ثلاث ملاعق دقيق وقليل من الزيت مع رشة ملح


ونفرد قطعتين ونضع فيهم قليل
من خليط الدقيق وهذه الطريقه
حتى نحصل على قطعتين من
الفطير دون ان يلتصقوا



ونفرد باليد









ثم بالنشابه حتى يصبح رقيق جدا



ثم نضعه في الفرن ويكون حار



مجرد ان تنتفخ وتتحمر قليلً تنفصل كل قطعه عن الاخرى


هكذا




ممكن تتعمل على البوتاجاز




ثم نقطعها الى قطع صغيره


هكذا




وناخذ من المرق الاول ونسكب عليها




ونخلطها او نحككها ببعضها


ونبداء في سكب الحمص والبصل بعد التسخين




الان فردنا كل الحمص والبصل




يتبع

بسم الله الرحمن الرحيم
نبداء في تنسيق اللحم على الطبق
والبطاطا التي وضعتها في المرق قبل
ان ينضج بربع ساعه

وقليت الفلفل للزينه

وهاهو الطبق كامل مع كفتة الدجاج
و السلاطه الخضراء

اتمنى ان يعجبكم الطبق الطويل
هههههههههه
مع تحياتي
ام سوما

كنت ناطرة لتخلصي ورد عليكي
ماشاء الله بيشهي الطبق
بس انا اول مرة بسمع بافتات يمكن هيدي مش اكلة طرابلسية
مع اني مولودة هونيك
بارك الله فيكي والف صحة وهنا يارب

مشااااااااااااااااااااااااء الله
عليك


وااو سفهتينا


وخاطرى فيه من زمان


مشاء الله شكلك فالحه فيه ادحدفيلى قعيد بس






بارك الله فيك وسلم الاسادى


وصحه عليكم

كتبت بواسطة *~° ضحى *~°

كنت ناطرة لتخلصي ورد عليكي
ماشاء الله بيشهي الطبق
بس انا اول مرة بسمع بافتات يمكن هيدي مش اكلة طرابلسية
مع اني مولودة هونيك
بارك الله فيكي والف صحة وهنا يارب

اهلين ضحى كيف حالك هذا الفتات مش اكله طرابلسيه
هي من مصراته والجنوب والجبل الغربي
حتى الجبل الغربي مش كله
وغدامس تسلمي ياعسوله

كتبت بواسطة hendaaa

مشااااااااااااااااااااااااء الله
عليك

وااو سفهتينا

وخاطرى فيه من زمان

مشاء الله شكلك فالحه فيه ادحدفيلى قعيد بس

بارك الله فيك وسلم الاسادى

وصحه عليكم

اهلين هنده والله مايغلى عليك
تسلمي بس حاولي وديريه والله حلو جداااا

سلم ايدياتك يا ام سومه
ما شاء الله عليك حتى قصعة العود ما نستيهاش
نفس اللي يديروا فيه امتاعين راجلي بالزبط غير مش امعاه بطاطا
حتى اني ندير فيه لكن حلوة فكرتك خابزتيه في الفرن لا ولا ما نكدب عليك نوصي في مراء ادير فيه بالفلوس
لكن والله الما نجربه جي في خاطري
سلم ايدياتك مرة تانية وان شاء في فرح بنيا تك ناكلوه

بسم الله ما شاء الله
تسلم ايدك احني انقولولها الفتات اعملتيها مي مي

ماشاء الله عليك ياام سومه اني ضايقاته مره وحده ايهبل وبجد الطريقه مش واعره هلبه
تسلم ايدك يارب عالشرح الوافي
جاري التطبيق بادن الله