اه والله من ابتكارى الشخصى

انا كنت بحاول ادخل الشمر فى اكلى عشان هو مفيد للرضاعة و جاءت هذه الأكلة

المقادير

لحم مقطع صغير و الكمية حسب افراد اسرتك
ملح و فلفل و خل بلسمى و لو مش عندك ممكن خل عادى و رشة قرفة و جنزبيل بودرة و بصل و ثوم بودرة لتتبيل اللحم

كوب من مشروب الشمر (معلقة مائدة شمر يصب عليها ماء مغلى و تترك 10 دقائق ثم تصفى من الشمر و يدوب فيها معلقة شاى نشا بس النشا يضاف لما السائل يبرد خالص عشان مايكلكعش)

زيت نباتى

للرز

ارز بسمتى او مصرى حسب عدد افراد اسرتك
زيت نباتى
نص كوب بسلة و نص كوب فاصوليا خضراء
لومى (ليمون مجفف)
كركم
و حبهان بودرة
ملح و فلفل و لورا

الطريقة

تنقع اللحمة فى مكونات التتبيل
و انا نقعتها من قبلها بيوم عشان بيكون طعمها احلى

اللحم غامق عشان الخل البلسمى

يقدح 3 معالق زيت نباتى و توضع اللحم به فى طاسة او حلة اللى يريحك

و تقلب جيدا
شايفة السواد اللى فى جوانب الطاسة ده
ده بقى الطعم كله و ناتج من تشويح اللحم

انزلى على اللحم بكوب الشمر المدوب فيه النشا و افضلى قلبى

النشا حايدى سمك بسيط للطبخة

وطى النار و سيبيه يستوى و ابقى قلبى من آن لآخر

الرز بالخضار

بحط الخضار مع اللومى و التوابل
و ربع كوب ماء يستوى الخضار بعدها اضيف
الماء حسب كمية الرز

لما يغلى الماء احط الرز فيه و معاه الزيت بمعدل معلقة مائدة لكل كوب و غلوة و بعد كده انقله على عين واطية و تحته شياطة يستوى على مهله خالص

و يتقدم اللحم مع الرز بالشكل ده

ارجو ان يكون وقتى و جهدى علم ينتفع به

الله يعطيكي العافية

يسلمو ايديك وصحتين وعافية يارب

يسلمو ايديك ياريمو وربنا يباركلك في وقتك وجهدك
صحتين وعافية يارب

ماشاء الله تسلم الايادي والافكار الحلوة

بارك الله فيك يا قمر

يعطيك الف عافية

تسلم ايديك
وصحة وهنا
^^

يسلموووووووو
روعة

ما شاء الله واضح انها جميله تسلم ايديكي ويالهنا والعافيه

تسلم الايادى

روعة حبيبتى