بسم الله الرحمن الرحيم

السلام عليكم ورحمة الله تعالى وبركاته

كيفكن حبيباتي

اشتقت لكم كتير

بصراحة خايفة روح إجازة وما لحق حط كل وصفاتي اللي صورتها

ووصفة اليوم كتير كتير سهلة

وبصراحة أنا من محبات البساطة والسهولة بالأكل

يعني ما بحب التعقيد وبنفس الوقت ما بحب كتير وقف بالمطبخ

بصراحة ما بقدر أتحمل أنه يروح معظم نهاري بالمطبخ

مع أني محتسبة بعملي لوجه الله تعالى في عملي كله بالبيت

لكن بحب أني أعمل أشياء أخرى خلال نهاري وما يأخذ الطبخ كل وقتي

وبالذات أنو ما معي وقت للطبخ والانترنت غير الصبح قبل ما تفيق بشرى الخير

لأنها لو فاقت مستحيل أقدر أكتب كلمة بالمنتدى هههههههه بتصير هي بدها الكومبيوتر هههههه جيل الانترنت

وصفة اليوم بيسموها عنا بالشام كباب هندي

لكن لها تسمية أخرى هي كواج البندورة

بشكل عام هذه الأكلة كانوا يعملوها أهلي بالصيف لتوافر البندورة في موسمها بدون بيوت زراعية

أحلى ما في وصفة اليوم هي أنها لا تحتاج لمقادير

يعني أنت بتقدري تحطي الكمية التي تحبينها في الطبخة

والطبخة كلها على بعضها لا تضم غير ثلاثة مكونات رئيسية

هي البصل والبندورة واللحمة الناعمة مع الدهنة

بمعنى آخر بإمكانك التحكم في كمية كل مكون حسب رغبتك

الكباب الهندي ( كواج البندورة )

في البداية علينا تقطيع البصل إلى شرائح

قلبيه في وعاء على النار يحتوي زيت نباتي وملح حتى يكون قد استوى نصف استواء

ثم قشري الطماطم بواسطة أولاً وضعها في ماء ساخن لمدة خمس دقائق

ثم قشريها بكل سهولة

قطعيها لمربعات ثم ضعيها فوق البصل

قلبيهم حتى يستووا قليلاً

ضعي جميع المكونات في صينية تدخل الفرن

مسدي الوجه

ثم قومي بتكوير اللحمة الناعمة إما إلى كرات أو إلى أصابع

وحطيت لكم الصور فمرة ساويتها كرات ومرة أصابع

قومي بصفها فوق البصل والبندورة داخل صينية الفرن

ثم قومي بغرز حبات الصنوبر داخل اللحمة بالشكل اللي تحبيه

أو حتى قومي برشه فوق الصينية

بصراحة في الصورة الثانية نسيت غرز الصنوبر باللحمة فرشيته على الوجه لما شويت وجه الصينية

ضعي الصينية بالفرن حتى تجدي بأن البندورة تسبكت واللحمة استوت

طبعاً لا تنسي شيها من الأعلى حتى يشقر الصنوبر

قدميها مع اللبن الرائب والفليفلة الخضراء أو الملونة والفجل

وتؤكل مع الخبز أو مع الرز الأبيض بالشعيرية

وصحتين وعافية

وهيدي الصور تغنيكم عن كل الكلام

مع تحياتي ومحبتي لكم

أختكم

أم محمد خير وبشرى الخير

ياعيني عليكي
وصفتين بنفس اليوم
الله يعطيكي العافية
صحة ووعافية على قلوبكم يا عسل

بسم الله ماشاء الله

ابدعتي ياعاشقة ...يسلم ايديك حبيبتي وماننحرم من ابداعاتك

ماشاء الله تسلم الايادي شكله يشهي

يسلمو ايديك ياغالية روعة
صحتين وعافية يارب

شكلها بيشهي تسلم ايدك

ما شا الله
روووووووووووووووووووعه
تسلم الايادى

اه اه
الرحمه شويه يا قمر
كل طبخه احلى من التانيه
تسلم ايدك يارب

ماشاء الله
شي بيفتح النفس
يسلموا ايديكي حبيبتي