* وصفة متميزة*معكرونه بلبن أخف وألذ أكلات الصيف تفضلوا معي

**أم مــــالــــك** · 26-05-2010, 08:22 AM

في البدايه وحشتوني جدا جدا جدا

لي مده غايبه عنكم اتمنى تكونوا جميعا بخير

وصفة اليوم بسيطه وسهله وفي ايام الحر والصيف ما في اخف والطف منها

معكرونه بلبن بارده

المقادير والطريقه مع بعض رح اذكرهم ان شا ءالله

معكرونه مسلوقه في ماء وملح لمدة 7 الى 8 دقائق والافضل ما نهريها كتير وتعجن
ونحتفظ بمقدار من ماء سلق المعكرونه لاستخدامه لاحقا

انا استخدمت المعكرونه الفتوشيني

لحمة معصجه مع البصل وملح وفلفل اسود ورشة قرفة ناعمه وحب هال مطحون

بعد سواء اللحمه نتركها قليلا على جنب حتى تبرد فأكلتنا بارده

ثم نضيف 2 سن توم مهروسين ناعم او حسب رغبتك + 2 كوب لبن زبادي "روب"رايب"

وربع كوب ماء من سلق المعكرونة وتحرك جيدا

نريدها سائلة قليلا فقط مو كتير شوربه نعدل كمية الملح حسب رغبتنا

في جاط التقديم نضع المعكرونه ونسكب بالوسط اللبن واللحمه المعصجه ونرش الوجه بالنعناع الاخضر اليابس

وتقدم بالف صحه وهنا عليكم

جربوها وأدعولي

دمتم بحفظ الرحمن

وبالتوفيق لابناء المسلمين جميعا في أختباراتهم يارب

**حيات روحي** · 26-05-2010, 08:26 AM

يسلمو يا ميسو اطباق حلوة وسهلة وتغير عن الاكل المعروف

بتعرفي كل ما بسأل جارتي لبنانية شو عاملة بتحكيلي معكونة باللبن

واخيرا عرفت كيف بتنعمل ههههههههههههههه

**ام قشطة وكنافة** · 26-05-2010, 08:26 AM

يمممممممممممممممممممممم
شو هاد ياميسوو اموووت بالمكرونة الفتوشيني
وباللبن ياسلام
يسلموو الايادي يارب
والله ينجح اولادك وكل التوفيق لكل اولاد المسلمين
وينجح اخوي يارب بالتوجيهي