السلام عليكم
مين مش بيحب المشويات
بس ازاى و انا ماعنديش شواية فحم يا ريمو
و كمان ماعنديش بلكونة اشوى فيها
مع ريمونتى حاتكلى احلى مشاوى فى البيت
بس ماحدش يقولى انا بسوى الأكل و بعدين احط فحمة و عليها دهن و اغطيها و كده بتبقى الأكلة زى المشوية بره
نوووووووووووووووووو
انا جايبالكم مشاوى على الفحم بجد
بصوا معايا الصور دى
من مطبخى
دى عبارة عن صينية مفروشة ورق فويل
بعد كده جبت الفحم وولعته على البوتجاز عادى
و بواسطة ماسك معدنى حطيته فى الفويل و هويت عليه بأى حاجة
المهم لما حاتهوى الفحم حايولع زيادة و يحمر
وااااو دى احلوت اوى
بعد كده طبعا انا ناقعة اللحمة و الفراخ فى التتبيلة من قبلها بيوم
عصير 4 بصلات و معلقتين زيت نباتى
و خل و ليمون و فلفل و ملح و ممكن ويستشير صوص لو تحبى
و كل البهارات اللى تحبيها
مـــــــاعدا جوزة الطيب يا بنات عشان محرمة
اللهم بلغت اللهم فاشهد
المهم حطيت اللحمة و الفراخ فى اسياخ بالتبادل مع قطع من البصل
ممكن كمان تحطى معاهم مكعبات طماطم و فلفل رومى وابقى ادعيلى
تجيبى رف معدنى زى اللى فى الصورة ممكن تجيبيه
من الفرن الكهربا بتاعك لو عندك
ولو مش عندك بيتباع فى فتح الله ماركت (فى اسكندرية) رفوف مخصوصة للشواية و ليها ايدين تمسكيها بيها
المهم تحطى اللحمة و تهوى و تولعى الشفاط عشان الدخان و تدوقى احلى
المشويات
ممتازة مع الفراخ و اللحمة و الجمبرى
لو عايزة تشوى الفراخ بعظمها ممكن تشوييها نص سوى فى الفرن لمدة 20 دقيقة
و بعدين تطلعيها على الفحم
لكن الفراخ المخلية بسويها على الفحم مباشرة
اهم حاجة اثناء الشوى لو حسيتى ان اللحم نشف تحطى عليه قطرات من
التتبيلة
وابقى ادعيلى لما جوزك يبوس ايدك و يقولك تسلم ايديكى يا مراتى يا حبيبتى
الروابط المفضلة