السلام عليكم...
اليوم يا جماعة الخير راح أقدم لكم طبق حلو ولذيذ كثير... وبشهادة كل إلي جربوه في أكثر من منتدى
قلت ليش ما أحط الموضوع للخوات... علشان يجربوا الوصفة
وصدقوني ما راح تندمو
إسباجتي بالخضار والصويا صوص
المقادير
ـــــ
1 باكيت إسباجتي أو 2/1 الكمية مسلوقة في ماء وملح وشوي من زيت الزيتون علشان ما تلصق
1 حبة من الفلفل البارد الكبير نقطعه شرائح رفيعة
2/1 1 حبة من الجزر نقطعه شرائح
2/1 ملفوف متوسطة الحجم... تقص شرائح
1 مكعب ماجي
ملح + فلفل أسود بودرة + شوي من الصويا صوص 2/1 كوب
1 حبة من البصل مقطعة شرائح
شوي من الزبدة أو الزيت
الطريقة...
ــــــــ
1) نحط الزبدة أو الزيت على النار ونضيف عليهم البصل ونشوحهم حتى يذبل البصل
2) نحط عليهم الجزر ونخلط شوي... وبعدين الفلفل البارد ونخلط شوي... وبعدين نحط الملفوف ونخلطهم شوي
3) نحط عليهم الماجي+ الفلفل الأسود +الصويا صوص... ونخلطهم مع بعض زين زين... ونحطهم على نار متوسطة ونغطي عليهم حتى يستوي الجزر والفلفل
4) نضيف عليهم الإسباجتي ونخلطهم زين ونحطهم بالقدر حوالي 5 الى 10 دقائق حتى يكتسب النكهة
نقدمها ... وبالهناء والعافية
ملاحظات...
ممكن إضافة دجاج مسلوق ومفتت للمعكرونة
راح يكون خليط الخضروات فيه ثل الماء.. هذا من الصويا صوص والخضار عادي
وبالهناء والشفاء... وأكله شهية مقدماً
بس أمانة إلي تسويه تخبرني
المارين ... أم الوليد
الروابط المفضلة