برياني الروبيان
اقدم لك طبخة خليجية
أولاً: المقادير
روبيان جمبو بصل مقطع بندورة مفرومة
بطاطا مكعبات مقلية فصوص توم مقلية كزبرة مفرومة
رز بسمتي منقوع توم وزنجبيل مهروس بهارات مشكلة صحيحة ومطحونة
ثانيًا: الطريقة:
نسخن الزيت في الطنجرة (الجدر)
نضيف البصل ونقلب شوي
نضيف التوم المهروس والزنجبيل
نقلب الخليط لحتى تدبل المكونات شوي
نضيف فصوص التوم ونص كمية الكزبرة ونقلب حتى تدبل شوي
نضيف البندورة ونقلب ونتركها شوي لحتى تدبل
نضيف البهارات المشكلة حسب الرغبة
أنا حطيت: (ملح-فلفل أسود-قرفة دارسين-كزبرة بودرة-كمون سنوت-بهارات برياني)
نقلب الخليط لحتى يدبل بهالشكل
نضيف الروبيان بعد غسله وتنظيفه
نقلب شوي شوي لحتى يتغطى الروبيان بالخليط
نضيف البطاطا المكعبات ونقلب
نستمر بالتقليب الخفيف لحد ما يتسبك الخليط بهالشكل ونتركه على نار هادية 5 دقايق
نطبخ الرز عادي نسلقه بمي وماجي وبهارات صحيحة
بعد ما استوى العيش نصفيه (نشخله) ونجهز خليط الروبيان ولون وزعفران حسب الرغبة
نحط طبقة عيش ونصب اللون ونحط طبقة من الخليط السابق
بعد ما خلصنا تقليب الطبقات نحطه للتقديم ونزينه بالكزبرة الباقية
ونقدمة مع الفتوش واللبن
وصحتين وهنا
رد مع الاستدلال
كتبت بواسطة الشفاعة
الروابط المفضلة