كيفكم يا صبايا

ان شاء الله الجميع بخير وبصحة جيدة

اليوم جايبي معي اكلة سهلة كتير

وما بدها وقت وكتييييييييييير انا بحبها

الاكلة هي خيار محشي

والحلو بهاي الاكلة انك ما راح تكبي اللب تبعه

لانك رايحة تستخدميه وتعملي منه سلطة خيار بلبن

المقادير

2 كيلو خيار للحشي كبير ومنيح

نص كيلو رز مصري

نص كيلو لحمة او اقل حسب ما بدك

بس ياريت تكون مفرومة ناعم مرتين

بهارات وملح وعصفر

وسمنة هههههه انا خلص ما بحب اطبخ الا بسمنه

صحيح بتضر بس بتعطي نكهة وطعم للاكل غير شكل

لسلطة الخيار بلبن

لب الخيار بنصفيه شوي

لبن رايب انا بستخدم لبن نعاج

ملح سنين توم ونعنع ناشف

الطريقة

طبعا الطريقة كلنا بنعرف كيف ننقر الخيارت ونحشيهم

وبنحطهم بطنجرة ضغط ومنحط عليهم مي غمارهم وملح ومعلقتين لبن رايب

ليش لانه الخيار ما بتحمل متل الكوسا

فمنحط عليه اللبن منشان يشده وما يتفزر

وما بحتاج اكتر من ربع ساعة عالواطي انتبهي

بعدين طوليه من المي

واقليه بزيت

وطبعا بتاكل سخن مع سلطة الخيار بلبن مممممم

وهاي صورة الطبق النهائي

بتمنى الوصفة تعجبكم وتجربوها كتير طيبة مع خبز عربي ممممممم

وهاي كمان صينية بيتنجان وبطاطا بالبشاميل كتير طيبة عملتها مع هاي الاكلة لانه جوزي ما بحبها كتير

استخدمت بيتنجان مقلي وبطاطا مدورة مقلية وبشاميل
ولحمة مفرومة عصجتها مع بصل وملح وفلفل وبهارات وفليفلة حلوة وشوية زعتر اخضر




وهون البشاميل انا استخدمت الجاهز ماجي كتير طيب وسهل




وهاي صورة الطبق النهائي





بتمنى وصفاتي تعجبكم وتجربوها

يسلمو ايديك وصفة رااااااااااااااااااائعة

تسلمي ام مهند على الشعار
نورتي موضوعي

تسلمي ناني هاد من زوقك يا بطة

تسلم ايديك فروحه اطباق بتشهي
ان شاء الله الف صحه على قلوبكم

الله يسلمك ام عبود ويخليلك ابنك

عجبتني كتير يا فرووحه صينيه الباتنجااان
يعطيك العافيه


بس خياار محشي كتير بسمع عنه ولا مره جرربته
يسلمو ايديكي فرووووحه

كتبت بواسطة سواد العيون

عجبتني كتير يا فرووحه صينيه الباتنجااان
يعطيك العافيه

بس خياار محشي كتير بسمع عنه ولا مره جرربته
يسلمو ايديكي فرووووحه

واديكي حبيبتي سيسي جربيه كتير زاكي ورايح يعجبك
اولادي بموتو فيه
وصينية البيتنجان على حسابك

انا بصراحه ما خبيش عليك استغربت من العنوان اول مرة نسمع ان الخيار ينحشى وينطبخ
بس لما شفت الصور غيرت رايي

الله يسلم هالايديات

ههههههههه الله يسلمك حبيبتي
ان شاء الله تجربيه ويعجبك
انا نزلته عمدا لاني عارفة انه مش الكل بعرف انه بنطبخ