ياحلوين انا جبت فرن مصري الي ليه بلاطه وبتقاد من تحت والجناب طبعا فيه تلت مفاتيح واحد لليمن والتاني لليسار والتالت للتحت مش عارفه اولعه خالص خيفه منه ياريت الي عندها الفرن ده تقولي بتولع الفرن من تحت ازاي

معنديش اي فكره بس حبيت اقولك خلي بالك واوعك تجربيه الا ادا عرفتي ازاي لان اخطر حاجه النار والعياد بالله. ربنا يحفظك منها والبنات يساعدوكي ان شاء الله.

عند امى واحد زيه بس الومنيوم بيسمونه فرن غاز اعتقد انك بتجيبى مسدس الغاز او ورقه شاعله المتوفر يعنى وبتنزلى تحت اوفى الفاتحه الصغيره من تحت وتحطى النار وبعدين تبعدى وتشغلى المفتاح الوسطى على ما اعتقد ونفس الحكايه مع الجوانب والف مبروك على الفرن اتمنى اكون افدتك

بصى يا قمر ..ماما عندها واحد وانا اللى بشغله لها عشان نفس المشكلة وكنت فى اوقات بخاف من فكرة الولاعة/المسدس عشان الفرن كان بيطلع غاز كتير قبل ما يشبك مع النار أو الشرارة..
لو بتخافى زيى شدى البلاطة عليكى وحركيها من مكانها ..أنا عارفة انها تقيلة..اسنديها بأى حاجة أو على ركبتك هتلاقى الكحكة/ماسورة الغاز المستديرة بانت قصادك شغليها ورجعى البلاطة تانى..لو مش هتقدرى عليها خلى حد يساعدك..
وألف مبروك على الفرن وتعملى فيه أكل الهنا ان شاء الله