السلام عليكم حبيباتى
اليوم بأقدم لكم الكرنب أو الملفوف المحشى
وكمان شكل تانى جديد ليه
وده فى مسابقة طبق وصورة
بالنسبة للمقادير
مقاديرى زى العسولة توتو
الوصفة على هذا الرابط
المحاشي بأشكالها من الأطباق المحبوبه عند الجميع أخواتي تفضلن بالمشاركه
أولا طبعا نقطع الكرنب ونسلقه فى ميه بها معلقتين كمون وذرة ملح
أنا قطعت الأوراق حتى قربت من القلب
وسلقت القلب لوحده على بعضه
وبعدين طبعا بصلة فى الزيت على النار ثم الطماطم العصير
والبهارات وأنا أحب داااائما إضافة النعناع الناشف
ثم نضيف الأرز المصرى
وبعدين الخضرة ونقفل النار
نبطن الحله بأى شئ ممكن حلقات بصل وطماطم ممكن أعناق الكرنب
أعواد البقدونس والخضرة
ونلف الكرنب ونرصه
ونضيف له الشوربة ويوضع على النار
حتى تغلى الشوربة ثم نوطى عليه ويترك ليستوى
وفى النهاية ممكن نحط على الوش حتتين زبده على الماشى
لزوم الريجيم هههههه
اللى حصل عندى بقى إن أوراق الكرنب منها كتير باظ وإتقطع ومنفعش يتحشى
أرميه؟ لااااااااااااااااااااااااااااااااااااا
ما إتعلمتش كده فى لك
المهم حطيت باقى الخلطة على الورق المتقطع فى حله وسويته
والله طالع طعمه لذيذ وشكل جديد لتقديم الكرنب
والحاجة أم الإختراع
أولادى أكلوا الأرز أكتر من المحشى
وده طبق لأول رد
منظر آخر للتشويــــــق
أتمنى يكون عجبكم الإختراع
رد مع الاستدلال
الروابط المفضلة