السلام عليكم اخباركم ايه انا عاملة النهاردة كشرى مصرى وقلت لازم كلكم تاكلوا منهاتفضلوا

المقادير:

2كوب ارز مصرى
نص كوب شعيرية
كوب مكرونة فرن وكوب مكرونة اسباجيتى
كوب عدس بجبة
ربع كوب حمص شامى منقوع لليلة
بصلتين كبار مقطعين ارباع ثم شرائح
زيت للتحمير
الصلصة:
بصلة متوسطة
فصين ثوم
نص كوب صلصة طماطم او نصف كيلو عصير طماطم
الدقة:
كوب ماء مغلى
ربع كوب زيت
ملعقة صغيرة صلصة طماطم
عصير ليمونة
ملعقة كبيرة خل
4 فصوص ثوم مهروس
ملح وفلفل وكمون وشطة

الطريقة:
تحمر الشعيرية فى حلة وبعد التحمير يضاف الارز ويضاف الماء والملح ويترك لينضج

تسلق المكرونة فى 2لتر ماء مع اضافة ملعقة كبير زيت وبعض الملح

ينقع العدس فى الماء الساخن نصف ساعة ثم يسلق حتى النضج واحذرى زيادة النضج ويملح فى النهاية

وممكن اضافة الحمص له فى السلق

للصلصة:
يشوح البصل والثوم حتى يبدا فى الاحمرار وعندها يضاف الصلصة عليها نص كوب ماءاو عصير الطماطم والملح والفلفل وتترك لتتسبك

للدقة:
يخلط الماء والزيت والليمون والخل والصلصة والبهارات والملح حسب الرغبة ثم يضاف الثوم ويقلب ويترك على جنب

البصل:
يخلط البص بالدقيق جيدا ثم يحمر فى زيت غزير على نار هادئة حتى يحمر انا سهيت عليه اتحمر زيادة شوية

يغرف فى طبق مسطح
الارز اولا

ثم المكرونة

ثم العدس والحمص

ثم الصلصة

ثم البصل احنا بنسميه فى مصر الورد

ويقدم مع الدقة وصلصة زيادة وعدس زيادة وبصل زيادة منفصلين وبالهنا والشفا

تسلم ايدك
طبق كشري شهي
زيديلي شطه وخل

تسلم ابديكى حبيبتى
انا امووووت فى الكشرى

تسلموا يا رب بارك الله فيكم شكرا على ردودكم المشجعة

تسلمى يا قمر على الكشرى اللذيذ
وبألف هنا

زيديلي شطه وخل

وانا كمان ....


تسلم الايادي طبق كشري معتبر

يسلمو ايديكي
شكله بيشهييييييي

اممممممممممممم
ماشاء الله
سلمت يداك يااارب
بيفتح النفس

تسلموا ربنا يبارك فيكم وشكرا عالردود المشجعة