ازيكم يا بنات عاملين ايه
كنت نزلت طريقة المكرونة بالفاهيتا قبل كده بس من غير صور المرة دى بالصور وبالشرح برده
جربوها والله تحفةةةةةةةةةةةةةةةةةة
المهم
المكرونة تسلقيها عادى وتعمليلها صلصة حمرا عادى برده
الفاهيتا بأه
ممكن تعمليها بالفراخ او اللحمة نفس الطريقة والاتنين احلى من بعض
انا عملتها المرة دى باللحمة( البوفتيك)
هاتى البصل وقطعيه مش رفيع اوى ولا تخين اوى
وحطيه فى طاسة تيفال وعليه ملعقتين زيت زيتون وشوحيه شويه ثم ضعى عليه اللحمة المقطعة صوابع وقلبى مع بعض لغاية لما تنشف خالص ثم ضيفى الجزر المبشور حوالى جزرة متوسطة
والفلفل الالوان حوالى نص فلفلة من كل لون مقطع صوابع وضعى التوابل( الملح والفلفل والكمون والزنجبيل البودر والقرفة البودر والبهارات وورق اللورى)
اصلى بحب التوابل
ثم قلبى وضعى نص كوب ماء وغطيها وارتكيها على نار متوسطة ثم ضعى المشروم فى الاخر ( لانه لا يأخذ سوا كتير) قرب ما تستوى اللحمة
وقلبى.....
ولو عازت شوية ماء حطى لها
ولما تستوى والمية اللى فيها تنشف هاتى ملعقتين صلصة ودوبيها فى ربع كوب ماء وحطيها على الفاهيتا وحطى فصين توم مفرومين ناعم بالسكينة وقلبى
(بحط التوم فى الاخر لانه لما بيكون فريش بيبقى طعمه وريحته جنان)
ثم اعصرى نص لمونة وقلبى واقفلى النار
وبعدين اغرفى المكرونة وعليها الفاهيتا وزوقى بالخضرا والزيتون
وكلى بأه
وادعيلى
الروابط المفضلة