*وصفات متميزة*ونزلت طيارة برنسس لك على الاراضى الارجنتينيه ومع اطعم مكرونه وستيك
نواعمى الله يسعد صباحكم
وطيارتنا انهارده طلعت بينا على الارجنتين
مع اطعم مكرونه بالفراخ واستيك بصوص الكرفس الرائع
ده غير الفطاير لكن فى ركن المعجنات
نبدأ بالمكرونه والفراخ الارجنتينيه
المكونات
1 باكت مكرونه
2 صدر فراخ مخليه
4 م زبده
3 فص توم
1/2 كوب دقيق
1/2 كوب لبن
1 كوب مرقه
1 كوب عصير طماطم (ممكن نزود معيار اللبن والمرقه ونضع 2 م ك صلصه)
4 قطع جبنه كيرى
الطريقه
تشوح التوم مع الزبده
وتوضع عليهم الفراخ مقطعه مكعبات
الفراخ كانت عندى مسلوقه وكانت بالنسبالى افضل علشان ماتنشفش
لكن لو نيه عللى النار عليها
علشان تستوى بسرعه من غير ما تفقد كتير من مايتها
وبعد السوا اضع الدقيق
مع تقلبتين الدقيق يستوى
اضع اللبن والمرقه بالملح والفلفل
واخيرا الصلصه
تقلبتين والدنيا كلها تتسبك وتدينى السماكه اللى انا عايزاها
واخيرا اضيف مكعبات الكيرى مقطعه
واسلق المكرونه واقلبهم على بعض ولو مسكت الصلصه شويه فكيها بماية المكرونه
نيجى للطبق التانى
ستيك بصوص الكرفس جديد ورائع
انا لاحظت ان معظم طباخة الارجنتين بيحترموا فيها الكرفس اوى
المكونات
قطع لحمه ستيك
الصوص
1 م ك دقيق
1 م ص شطه
1/3 م ص ملح
1/8 فلفل
1/8 كمون
بصله متوسطه شرائح
1/2 كوب كرفس مقطع صغير
1/2 كوب ماء
م ك صلصه
الطريقه
طبعا بتسوى الستيك بالطريقه اللى تريحك اما مشوية بقليل من الزيت
اما مقليه كامله فى الزيت او الزبده
المهم بعد السوا ارفع اللحمه من المقلايه واستخدم نفس المقلايه باللى فيها من بقايا طبخ اللحمه سواء كان زيت او زبده
واضع البصل واقلبه تقلبتين يتخدع فقط
وبعدها الكرفس والبهارات والصلصه واخيرا ادوب الدقيق فى الماء واضيفه على الصوص
وارجع واضع الستيك الجاهز عندى واضعهم على النار الى ان يتماسك صوص اللحمه واقدمه بالف هنا وعافيه
رد مع الاستدلال
كتبت بواسطة مرات جوزها
الروابط المفضلة