جربووا هالصينيه و بتعجبكم ولاتنسون تدعون لي،،
مقاديره،،
بطاطس العدد اللي تشوفونه يناسبكم انا حطيت 7 متوسطات الحجم ،،
جبن سائل ،، علبتين قشطه ،،
بهارات " ملح ،، كمون ،، فلفل " ،،
صحن دجاج مفروم او فيليه المتوفر ،،
فلفل رومي ،،
جبن موزريلا بإمكانكم الاستغناء عنه ،،
الطريقه ،،
اسلقي البطاطس ،،
حطيه بزبديه واهرسيه حطي معه جبن سائل قرابة ملعقتين وقشطه علبه وبهارات ،،
حركيهم مع بعض ،،
جيببي لك صينيه بحسب عدد البطاطس اللي حطيتيه صينيتي كانت حجم وسط وافردي البطاطس فيها بايدك او ملعقه ،،
الدجاج المفروم او الفيليه على النار نكشنه مع الفلفل الرومي مع حبة ماجي ونحطه على البطاطس ،،
بالخلاط اخلطي القشطه مع جبن سائل حطيت بعد ملعقتين وصبيهم فوق الدجاج مو شرط يكون مغطي الطبقه زي المكرونه بالباشميل لا صبيه بحيث يكون بكل جهه شوي رشيها بجبن موزريلا رش بسيط اذا كان متوفر ،،
بالآخير دخليه الفرن لحد ماتتحمر الطبقه من أعلى مايأخذ وقت قرابة ربع الى ثلث ساعه واذا بغيتي تولعين من تحت عشان تتماسك الطبقه بشكل أكبر مافيه مشكل ،،
وهذي بعد ماقطعته مع صحن مخلل ينفع تأكلونها بملعقه أو خبز حسب الرغبه وبالعافيه عليكم ..
دمتم بخير .
رد مع الاستدلال
الروابط المفضلة