المفروض انها كانت وجبة ريجيم ممله لجوزى
وبقدرة قادر حولتها لطبق شهى جدا جدا
وبما انى انا مابعملش ريجيم فدلعت القارب بتاعى بتتبيله تانيه ورشة مودزريلا
ندخل فى المفيد
مكونات الخضار
2 حبة بطاطس متقوره واخدت حشوها مع باقى الخضار
بازنجانه مقطعه مكعبات
كوسه مكعبات
فلفل مكعبات
طماطمايه مكعبات
تتبلة الخضار العادى
2 م زيت
ملح وفلفل
زعتر
بقدونس مفروم
تتبيلة الخضار البرنسيسى المميز
2 م ك ورشستر صوص
2 م زيت
2 م مسترده
1 م توابل ايطاليه
1/2 م فلفل
بقدونس مفروم
رشة مودزريلا ممممممم
الطريقه
بعد ما فضيت وقورت البطاطس واخدت حشوها المناسب منه شكلا اضافته للخضار
قسمت الخضار نصين وتبلت نص بالتتبله العاديه والنص التانى بالتتبيله البرنسسيه ههههههه
وقواررب البطاطس نفسها تبلتها بنفس التتبيله بتاعة الخضار العادى
ودخلت كله الفرن يشوى
وبعد ما استوا كله
وتركت القوارب شويه اخدت وقت علشان تنشف معايا
حشيت القوارب بالخضار
وحطيت على القارب بتاعى رشة المودزريلا ودخلتها الميكرويف او الفرن تحت الشوايه يا دوب الجبنه تسيييييييييح بس خلاص
وده صورة القارب الريجيمى
وده صوره القارب البرنسيسى
وبالنسبه للفراخ
اللى طعمها لا يقاوم
وموجوده فى ملف المشويا ت بتاعى
والذ طريقة شوى للفراخ بصوص البصل الرائع
المكونات
فرخه مقطعه اربعه
3 بصله كبيره مقطعه قطع متوسطه
ملح
م ص فلفل
م ص كمون
1/2 م ص توابل لحمه
3 م سمنه او زبده او زيت
1/2 كوب ماء
الطريقه
بضع الفراخ والبصل المتبل بالبهارات
فى صينيه وعليها الماء والسمنه
واضعها على النار حتى تغلى اغطيها بالفويل وادخلها الفرن الى ان تستوى اكشف الفراخ وادهن وجهه بعصير طماطم ورشة ملح وفلفل واسيبها تشوى
ملاحظه انا بضع الفراخ الاول على ضهرها علشان تستوى وتشرب من التتبيله وبعدين بقلبها على وشها علشان تاخد اللون بتاع الشوى
ونرجع تانى لصور قوارب الخضار بالفراخ
اتمنى ان تكون اطباقى عجبتكم ولو عجبنكم
نفسى فى دعوه صغيره لاولادى بالهدايه والصلاح والفلاح عن ظهر غيب
الروابط المفضلة